Page Text
________________
पढमा दुविहपडिवत्ती
२२१ मणुस्सेसु उववज्जंति, णो देवेसु उववज्जति ।।
५५. जइ तिरिक्खजोणिएसु उववज्जति किं एगिदिएस उववज्जति जाव पंचिदिएस उववज्जति ? गोयमा ! एगिदिएसु उववज्जति जाव पंचेंदियतिरिक्खजोणिएसु उववज्जंति, असंखेज्जवासाउयवज्जेसु पज्जत्तापज्जत्तएसु उववज्जंति, मणुस्सेसु अकम्मभूमग-अंतरदीवगअसंखेज्जवासाउयवज्जेसु पज्जत्तापज्जत्तएस उववज्जति ॥
५६. ते णं भंते ! जीवा कतिगतिया कतिआगतिया पण्णत्ता ? गोयमा ! दुगतिया दुआगतिया, परित्ता असंखेज्जा पण्णत्ता समणाउसो! से तं सुहुमपुढविकाइया ।।
५७. से किं तं बायरपुढविकाइया ? बायरपुढविकाइया दुविहा पण्णत्ता, तं जहासण्हबायरपुढविक्काइया य खरबायरपुढविक्काइया य॥
५८. से किं तं सण्हबायरपुढविक्काइया? सण्हबायरपुढविक्काइया सत्तविहा पण्णत्ता, तं जहा-कण्हमत्तिया', भेओ' जहा पण्णवणाए जाव-ते समासओ दुविहा पण्णत्ता, तं जहा-पज्जत्तगा य अपज्जत्तगा य । 'तत्थ णं जेते अपज्जत्तगा ते णं असंपत्ता । तत्थ णं जेते पज्जत्तगा, एतेसि णं वण्णादेसेणं गंधादेसेणं रसादेसेणं फासादेसेणं सहस्सग्गसो विहाणाई, संखेज्जाइं जोणिप्पमुहसतसहस्साई। पज्जत्तगणिस्साए अपज्जत्तगा वक्कमंति--जत्थ एगो तत्थ णियमा असंखेज्जा । से तं खरबादरपुढविकाइया"॥
५६. तेसि णं भंते ! जीवाणं कति सरीरगा पण्णत्ता ? गोयमा ! तओ सरीरगा पण्णत्ता, तं जहा-ओरालिए तेयए कम्मए, तं चेव सव्वं, णवरं- चत्तारि लेसाओ, अवसेसं जहा" सुहुमपुढविक्काइयाणं, आहारो' णियमा छद्दिसिं। उववाओ तिरिक्खजोणिय-मणुस्सदेवेहितो, देवेहिं जाव सोहम्मेसाणेहितो। ठिई जहण्णेणं अंतोमुहत्तं, उक्कोसेणं बावीसं वाससहस्साइं॥
६०. ते णं भंते ! जीवा मारणंतियसमुग्घाएणं किं समोहया मरंति ? असमोहया मरंति ? गोयमा ! समोहयावि मरंति. असमोहयावि मरंति॥
६१. ते णं भंते ! जीवा अणंतरं उव्वट्टित्ता कहिं गच्छंति ? कहिं उववज्जति ?-कि नेरइएसु उववज्जति ? पुच्छा। गोयमा नो नेरइएसु उववज्जति, तिरिक्खजोणिएसु उववज्जति मणुस्सेसु उववज्जति, नो देवेसु उववज्जति 'तं चेव" जाव' असंखेज्जवासाउयवज्जेहिंतो उववज्जति ॥
६२. ते णं भंते ! जीवा कतिगतिया कतिआगतिया पण्णत्ता ? गोयमा ! दुगतिया तिआगतिया, परित्ता असंखेज्जा पण्णत्ता समणाउसो! से तं बायरपुढविक्काइया । से तं १. मट्टिया (क,ग,ट)।
स्था वा सूरकते य ज्जाव तत्थ णिमा। २. भेतोसि (क,ख); ततो से (ग); भेउ से ४. जी० १६१६-२१ । (ट)।
५. जी. १२२२-५० । ३. असो चिन्हावितः पाठः प्रज्ञापना (१।२०) ६. आहारो जाव (क,ख,ग,ट)।
सूत्राधारेण स्वीकृतोस्ति । प्रस्तुतसूत्रस्य मलय- ७. तधेव (क) तहेव (ख)। गिरीयवत्ती असो व्याख्यातोस्ति, 'ता' आदर्श ८. जी० ११५५ । अस्य संक्षेपो लभ्यते-खर बा फा पुढवी य
Jain Education International
For Private & Personal Use Only
www.jainelibrary.org
| SR No. | 003554 |
| Book Title | Uvangsuttani Part 04 - Ovayiam Raipaseniyam Jivajivabhigame |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 1987 |
| Total Pages | 854 |
| Language | Prakrit |
| Classification | Book_Devnagari, Agam, & Canon |
| File Size | 17 MB |