Page Text
________________
पढमा दुविहपडिवत्ती
२१९ गंधमंताई रसमंताई फासमंताई॥
३४. जाई भावओ वण्णमंताई आहारेति ताई कि एगवण्णाइं आहारेंति ? दुवण्णाई आहारेंति ? तिवण्णाइं आहारति ? चउवण्णाइं आहारेति ? पंचवण्णाई आहारेति ? गोयमा ! ठाणमग्गणं पडुच्च एगवण्णाइंपि दुवण्णाइंपि तिवण्णाइंपि चउवण्णाइंपि पंचवण्णाइंपि आहारेति, विहाणमग्गणं पडुच्च कालाइंपि आहारेंति जाव सुक्किलाइंपि आहारेति ॥
३५. जाई वण्णओ कालाई आहारेति ताई किं एगगुणकालाई आहारति जाव अणंतगुणकालाई आहारेति ? गोयमा ! एगगुणकालाइंपि आहारेंति जाव अणंतगुणकालाइंपि आहारेति । 'एवं जाव सुक्किलाई ।
३६. जाई भावओ गंधमंताई आहारेति ताई कि एगगंधाइं आहारेंति ? दुगंधाई आहारेंति ? गोयमा ! ठाणमग्गणं पडुच्च एगगंधाइंपि आहारति दुगंधाइंपि आहारेंति, विहाणमग्गणं पडुच्च सुब्भिगंधाइंपि आहारेंति दुब्भिगंधाइंपि आहारेति ॥
३७. जाई गंधओ सुब्भिगंधाइं आहारेति ताई कि एगगुणसुब्भिगंधाई आहारति जाव अणंतगुणसुन्भिगंधाइं आहारेंति ? गोयमा ! एगगुणसुब्भिगंधाइंपि आहारेंति जाव अणंतगुणसुब्भिगंधाइंपि आहारेति । एवं दुब्भिगंधाइंपि ॥
३८. रसा जहा वण्णा ॥
३६. जाइं भावओ फासमंताई आहारेति ताई कि एगफासाइं आहारेंति जाव अट्ठफासाइं आहारेंति ? गोयमा ! ठाणमग्गणं पडुच्च नो एगफासाइं आहारेति नो दुफासाई आहारेंति नो तिफासाइं आहरेंति, चउफासाइं आहारेंति पंचफासाइंपि जाव अट्ठफासाइंपि आहारेंति, विहाणमग्गणं पडुच्च कक्खडाइंपि आहारेंति जाव लुक्खाइपि आहारेति ।।
४०. जाइं फासओ कक्खडाइं आहारेति ताई कि एगगुणकक्खडाइं आहारेति जाव अणंतगुणकक्खडाइं आहारेंति ? गोयमा ! एगगुणकक्खडाइंपि आहारेति जाव अणंतगुणकक्खडाइंपि आहारेति । एवं जाव लुक्खा णेयव्वा ।।
४१. ताई भंते ! किं पुट्ठाई आहारेंति ? अपुट्ठाई आहारेंति ? गोयमा ! पुट्ठाई आहारेंति नो अपुट्ठाइं आहारेति ॥
४२. ताई भंते ! किं ओगाढाइं आहारेंति ? अणोगाढाई आहारेंति ? गोयमा ! ओगाढाइं आहारेंति, नो अणोगाढाई आहारेति ॥
४३. ताई भंते ! किमणंतरोगाढाइं आहारेंति ? परंपरोगाढाइं आहारेंति ? गोयमा ! अणंतरोगाढाइं आहारेंति, नो परंपरोगाढाइं आहारेति।
४४. ताई भंते ! किं अणूई आहारेंति ? बायराइं आहारेंति ? गोयमा ! अणूइंपि आहारेंति, बायराइंपि आहारेति ॥ १. कालाई पि (क, ख, ग, ट); कालवण्णाई दर्श एवं पाठ संक्षेपोस्ति-एवं गंधरसेसु वि। (पण्ण० २८७)।
४. 'ता' आदर्श अत्र पाठसंक्षेप:-विधाणमग्गणं २. एवं पंच वि वण्णा (ता)।
कक्खडाइं सव्वाइं जाव अणंतगुणलुक्खाई। ३.३६,३७,३८ सूत्रत्रयस्य स्थाने 'ता' संकेतिता
Jain Education International
For Private & Personal Use Only
www.jainelibrary.org
| SR No. | 003554 |
| Book Title | Uvangsuttani Part 04 - Ovayiam Raipaseniyam Jivajivabhigame |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 1987 |
| Total Pages | 854 |
| Language | Prakrit |
| Classification | Book_Devnagari, Agam, & Canon |
| File Size | 17 MB |