________________
७६२
विवागसुयं २६. तए णं तासि एगुणगाणं पंचण्हं देवोसयाणं 'एगूणाई पंच माइस याइं"
सव्वालंकारविभूसियाई तं विउलं असणं पाणं खाइमं साइमं सुरं च महुंच मेरगं च जाइं च सीधं च पसण्णं च आसाएमाणाई वीसाएमाणाइं परिभाएमाणाई परिभुंजेमाणाई गंधव्वेहि य नाडएहि य उवगीयमाणाई - उवगीयमाणाई
विहरंति ॥ २७. तए णं से सीहसेणे राया अद्धरत्तकालसमयंसि बहूहिं पुरिसेहिं सद्धि संपरिवुडे
जेणेव कूडागारसाला तेणेव उवागच्छइ, उवागच्छित्ता कूडागारसालाए
दुवाराई पिहेइ, पिहेत्ता कूडागारसालाए सव्वो समंता अगणिकायं दलयइ ।। २८. तए णं तासिं एगूणगाणं पंचण्हं देवीसयाणं एगूणगाइं पंच माइसयाइं सीहसेणेणं
रण्णा पालीवियाइं समाणाई रोयमाणाइं कंदमाणाइं विलवमाणाइं अत्ताणाई
असरणाई कालधम्मुणा संजुत्ताई॥ २६. तए णं से सोहसेणे राया एयकम्मे एयप्पहाणे एयविज्जे एयसमायारे सुबहुं
•पावं कम्म कलिकलसं समज्जिणित्ता चोत्तीसं वाससयाई परमाउं पालइत्ता कालमासे कालं किच्चा छट्ठीए पुढवीए उक्कोसेणं बावीससागरोवमट्ठिइएसु
नेरइएसु नेरइयत्ताए उववण्णे ॥ देवत्ताए वत्तमाणभव-वण्णग-पदं ३०. से णं तो अणंतरं उव्वट्टित्ता इहेव रोहीडए' नयरे दत्तस्स सत्थवाहस्स
कण्हसिरीए भारियाए कुच्छिसि दारियत्ताए उववण्णे ।। ३१. तए णं सा कण्हसिरो नवण्हं मासाणं 'बहुपडिपुण्णाणं ° दारियं पयाया
सूमाल सुरूवं ॥ ३२. तए णं तीसे दारियाए अम्मापियरो निव्वत्तबारसाहियाए विउलं असणं पाणं
खाइमं साइम उवक्खडावेति, उवक्खडावेत्ता जाव' मित्त-नाइ-नियग-सयण
संबंधि-परियणस्स पुरनो नामधज्ज करेंति-होउ णं दारिया देवदत्ता नामेणं ।। ३३. तए णं सा देवदत्ता दारिया पंचधाईपरिग्गहिया जाव परिवड्इ ॥ ३४. तए णं सा देवदत्ता दारिया उम्मुक्कबालभावा* *विण्णय-परिणयमेत्ता जोव्वण
गमणुप्पत्ता रूवेण जोव्वणेण लावण्णेण य° अईव-अईव उक्किट्ठा उक्किट्ठसरीरा जाया यावि होत्था ।
१. पंच माइसयाइं जाव (क, ख, ग, घ)। २. सं० पा०—सुबहु जाव समज्जिणित्ता। ३. रोहीतए (क, ख, ग)। ४. सं० पा०-मासाणं जाव दारियं ।
५. वि० १।३।३२ । ६. वि० १।२।४६। ७. सं० पा०-उम्मुक्कबालभावा जोवणेण
रूवेण लावण्णण य जाव अईव ।
Jain Education International
For Private & Personal Use Only
www.jainelibrary.org
