________________
विवागसु
१२. तए णं से सिरोए महाणसिए बहूणं जलयर - थलयर - खहयराणं मंसाई कप्पणीकप्पियाई करेइ, तं जहा - सहखंडियाणि य 'वट्टखंडियाणि य दीहखंडियाणि " यहस्सखंडियाणि य, हिमपक्काणि य जम्मपक्काणि य घम्मपक्काणि य मापकाणि य कालाणि य हेरंगाणि य महिद्वाणि य ग्रामलरसियाणि य मुद्दियारसियाणि कविट्ठरसियाणि य दालिमरसियाणि य मच्छरसियाणि य तलियाणि य भज्जियाणि य सोल्लियाणि य 'उवक्खडावेति, उवक्खडावेत्ता " अण्णेय बहवे मच्छरसए य एणेज्जरसए य तित्तिररसए य जाव' मयूररसए य, अण्णं च विउलं हरियसागं उवक्खडावेति, उवक्खडावेत्ता मित्तस्स रण्णो भोयणमंडवंसि भोयणवेलाए उवणेति । अप्पणा विणं से सिरीए महाणसिए तेसि च बहूहिं जलयर-थलय र खयरमंसेहि च रसिएहि य हरियसागेहि य सोल्लेहि य तलिएहि य भज्जिएहि य सुरं च महुं च मेरगं च जाई च सीधुं च पसण्णं च आसाएमाणे वीसाएमाणे परिभाएमाणे परिभुंजेमाणे विहरइ || १३. तए णं से सिरीए महाणसिए एयकम्मे एयप्पहाणे एयविज्जे एयसमायारे सुबहु पावं कम्मं कलिकलुसं° समज्जिणित्ता तेत्तीस वाससयाई परमाउं पालइत्ता कालमासे कालं किच्चा छट्टीए पुढवीए उववण्णे ।।
७८४
सोरियदत्तस्स वत्तमाणभव-वण्णग-पदं
१४. तए णं सा समुद्ददत्ता भारिया निंदू यावि होत्था - जाया जाया दारगा विणिघायमावज्जंति । जहा गंगदत्ताए चिता, प्रापुच्छणा, ग्रोवाइयं, दोहलो जाव' दारगं पयाया जावळे जम्हा णं म्हं इमे दारए सोरियस्स जक्खस्स ओवाइयलद्धए, तम्हा णं होउ अम्हं दारए सोरियदत्ते नामेणं ॥
१५. तए णं से सोरियदत्ते दारए पंचधाईपरिग्गहिए जाव" उम्मुक्कबालभावे विण्णयपरिणयमेत्ते जोव्वणगमणुप्पत्ते यावि होत्था ||
१६. तए णं से समुद्ददत्ते ग्रण्णया कयाइ कालधम्मुणा संजुते ॥
१७. तए णं से सोरियदत्ते दारए बहूहि मित्त" - नाइ - नियग-सयण-संबंधि परियणेहि सद्धि संपरिवुडे • रोयमाणे कंदमाणे विलवमाणे समुद्ददत्तस्स नीहरणं करेइ, कत्ता बहूई लोइयाई मयकिच्चाई करेइ, अण्णया कयाइ सयमेव मच्छंधमहतरगत्तं उवसंपज्जित्ता णं विहरइ ॥
१. दीह भंडियाण वट्टखंडियाण ( क ) । २. थे पक्काणि (क, ख, ह०वृ); पक्काणि (ग); घमपक्काणी(घ,ह०वृ);वेगपक्काणि ( मु०वृ) ।
३. हराणि (घ) ।
४. उवक्खडावेत्ता (क, घ) ।
५. वि० १।७।१६ ।
Jain Education International
सं० पा० - सुबहु जाव समज्जिणित्ता ।
६.
७. ओवालय ( क ) ।
८. वि० १।७।१६-२६ ।
६. वि० १।७।२६ ।
१०. वि० १।३।३३,३४ । ११. सं० पा०-मित्त " |
For Private & Personal Use Only
www.jainelibrary.org
