Page Text
________________
७७८
विवागसुयं अहं णं अधण्णा अपूण्णा अकयपूण्णा एत्तो एगतरमविन पत्ता । तं सेयं खलु मम कल्लं पाउप्पभायाए रयणीए जाव' उट्ठियम्मि सूरे सहस्सरस्सिम्मि दिणयरे तेयसा जलते सागरदत्तं सत्थवाह अापूच्छित्ता सुबह पृष्फ-वत्थ-गंध-मल्लालंकारं गहाय बहूहि मित्त-नाइ-नियग-सयण-संबंधि-परियणमहिलाहिं सद्धि पाडलिसंडामो नयरानो पडिनिक्खमित्ता बहिया जेणेव उंबरदत्तस्स जक्खस्स जक्खाययणे तेणेव उवागच्छित्ता, तत्थ णं उंबरदत्तस्स जक्खस्स महरिहं पुप्फच्चणं करेत्ता जाणुपायपडियाए प्रोयाइत्तए-जइ णं अहं देवाणुप्पिया ! दारगं वा दारियं वा पयामि, तो णं अहं तुब्भं जायं च दायं च भायं च अक्खयनिहिं च अणुवड्डिस्सामि त्ति कटु अोवाइयं प्रोवाइणित्तए--एवं संपेहेइ, संपेहेत्ता कल्लं पाउप्पभायाए रयणीए जाव उद्वियम्मि सूरे सहस्सरस्सिम्मि दिणयरे तेयसा जलते जेणेव सागरदत्ते सत्थवाहे तेणेव उवागच्छइ, उवागच्छित्ता सागरदत्तं सत्थवाहं एवं वयासी-एवं खलु अहं देवाणुप्पिया ! तुब्भेहि सद्धि बहूइं वासाई उरालाई माणुस्सगाई भोगभोगाइं भुंजमाणी जाव एत्तो एगमवि न पत्ता । तं
इच्छामि णं देवाणुप्पिया ! तुब्भेहि अब्भणुण्णाया जाव प्रोवाइणित्तए ।। २०. तए णं से सागरदत्त सत्थवाहे गंगदत्तं भारियं एवं वयासी-ममं पि ण देवाण
प्पिए ! एस चेव मणोरहे कहं णं तुमं दारगं वा दारियं वा पयाएज्जासि ?
गंगदत्ताए भारियाए एयमटुं अणुजाणइ ।। २१. तए णं सा गंगदत्ता भारिया सागरदत्तसत्थवाहेणं एयमद्रं अब्भणण्णाया समाणी
सुबहुं पुप्फ-वत्थ-गंध-मल्लालंकारं गहाय बहूहि मित्त-नाइ-नियग-सयण-संबंधिपरियणमहिलाहिं सद्धि सयाओ गिहाम्रो पडिनिक्खमइ, पडिनिक्खमित्ता पाडलिसंडं नयरं मझमज्झेणं निग्गच्छइ, निग्गच्छित्ता जेणेव पुक्खरिणी' तेणेव उवागच्छइ, उवागच्छित्ता पुवखरिणीए तीरे सुबहुं पुप्फ-वत्थ-गंध-मल्लालंकारं ठवेइ, ठवेत्ता पुक्खरिणि प्रोगाहेइ, अोगाहेत्ता जलमज्जणं करेइ, करेत्ता जलकिडं करेइ, करेत्ता बहाया कयबलिकम्मा कयकोउय-मंगल-पायच्छित्ता उल्लपडसाडिया पुक्खरिणीनो पच्चुत्तरइ, पच्चुत्तरित्ता तं पुप्फ-वत्थ-गंधमल्लालंकार गेण्हइ, गेण्हित्ता जेणेव उंबरदत्तस्स जक्खस्स जक्खाययणे तेणेव उवागच्छइ, उवागच्छित्ता उंबरदत्तस्स जक्खस्स पालोए पणामं करेइ, करेत्ता लोमहत्थयं परामुसइ, परामुसित्ता उंबरदत्तं जक्खं लोमहत्थएणं पमज्जइ, पमज्जित्ता दगधाराए अब्भुक्खेइ, अब्भुखेत्ता पम्हल'-'सुकुमाल-गंधकासाइयाए °
१. ना० १।१२४ । २. उव्वाएत्तए (ग); प्रोवायइत्तए (क्व)। ३. पोक्खरिणी (क); पुक्खरणी (ग)।
४. पुक्खरिणिं (क, ग); पुक्खरणीए (ख) । ५. सं० पा०-पम्हल ° ।
Jain Education International
For Private & Personal Use Only
www.jainelibrary.org
| SR No. | 003553 |
| Book Title | Angsuttani Part 03 - Nayadhammakahao Uvasagdasao Antgaddasao Anuttaraovavai Panhavagarnaim Vivagsuya |
| Original Sutra Author | N/A |
| Author | Tulsi Acharya, Nathmalmuni |
| Publisher | Jain Vishva Bharati |
| Publication Year | 1975 |
| Total Pages | 922 |
| Language | Prakrit |
| Classification | Book_Devnagari, Agam, & Canon |
| File Size | 15 MB |