________________
पंचमं अभयणं (बहस्सइदत्ते )
बहस्सइद तस्स वत्तमाणभव-वण्णग-पदं
१७. से णं तो अनंतरं उवट्टित्ता इहेव कोसंबोए नयरीए सोमदत्तस्स पुरोहियस्स वसुदत्ता भारिया पुत्तत्ताए उववण्णे ||
१८. तए णं तस्स दारगस्स सम्मापियरो निव्वत्तवारसाहस्स ' इमं एयारूवं ' ' नामधेज्जं करेंति - जम्हा णं ग्रम्हं इमे दारए सोमदत्तस्स पुरोहियस्स पुत्ते वसुदत्ताए अत्तर, तम्हाणं होउ म्हं दारए बहस्सइदत्ते नामेणं ॥
१६. तणं से बहस्सइदत्ते दारए पंचधाईपरिग्गहिए जाव' परिवढइ || २०. तए णं से बहस्सइत्ते दारए उम्मुक्कवालभावे विण्णय-परिणयमेत्ते जोव्वणगमणुपत्ते होथा । से णं उदयणस्स कुमारस्स पियबालवयस्सए यावि होत्था सहजायए सहवडियए सहपं सुकीलियए ।
२१. तण से याणिए राया अण्णया कयाइ कालधम्मुणा संजुत्ते ||
२२. तए णं से उदय कुमारे बहूहि राईसर - तलवर माडंबिय - कोडुंबिय इब्भ-सेट्ठिसेणावइ-सत्थवाहपभिईहिं सद्धि संपरिवुडे रोयमाणे कंदमाणे विलवमाणे सयाणियस्स रण्णो महया इड्डीसक्कारसमुदएणं नीहरणं करेइ, करेत्ता बहूई लोइयाई मयकिच्चाई करेइ ||
-
२३. तए णं ते बहवे राईसर - तलवर - माडंबिय - कोडुंबिय - इब्भ-सेट्ठि- सेणावइ ०सत्थवाहप्पभित उदयणं कुमारं महया - महया रायाभिसेएणं अभिसिचति ॥ २४. तए णं से उदयणे कुमारे राया जाए - महयाहिमवंत-महंत मलय-मंदर
महिंदसारे ।
२५. तए णं से बहस्सइदत्ते दारए उदयणस्स रण्णो पुरोहियकम्मं करेमाणे सव्वद्वाणेसु सव्वभूमियासु अंतेउरे य दिण्णवियारे जाए यावि होत्था ||
२६. तणं से वहस्सइदत्ते पुरोहिए उदयणस्स रण्णो अंतेउरं वेलासु य प्रवेलासु य कालेसु य अकालेसु य राम्रो य विआले य पविसमाणे ग्रण्णया कयाइ पउमाईए देवीए सद्धि संपलग्गे यादि होत्था । पउमावईए देवीए सद्धि उरालाई माणुस्साई भोग भोगाई भुजमाणे विहरइ ॥
२७. इमं च णं उदयणे राया पहाए जाव' विभूसिए जेणेव पउमावई देवी तेणेव उवागच्छइ, उवागच्छित्ता बहस्सइदत्तं पुरोहियं पउमावईए देवीए सद्धि उरालाई माणुस्साई भोगभोगाई भुंजमाणं पासइ, पासित्ता आसुरुते तिवलियं भिडि निडाले साहट्टु बहस्सइदत्तं पुरोहियं पुरिसेहिं गिण्हावेइ", "गिण्हावेत्ता
१. एमेयारूवं (घ ) ।
२. वि० १।२।४६ ।
७६५
३. सं० पा० - राईसर जाव सत्यवाह ।
०
४. सं० पा० - राईसर जाव सत्थवाह' I
Jain Education International
५. पू० – प्रो० सू० १४ ।
६. वि० १।२।६४ ।
७. सं० पा० - गिण्हावेइ जाव एएणं ।
For Private & Personal Use Only
www.jainelibrary.org
