________________
चउत्थं अज्झयणं
सगडे उक्खे व-पदं १. जइ णं भंते' ! 'समणेणं भगवया महावीरेणं जाव' संपत्तेणं दुहविवागाणं
तच्चस्स अज्झयणस्स अयमढे पण्णत्ते, चउत्थस्स णं भंते ! अज्झयणस्स समणेणं
भगवया महावीरेणं के अटे पण्णत्ते ? २. तए णं से सुहम्मे अणगारे जंबू-अणगारं एवं वयासी ° -एवं खलु जंबू ! तेणं
कालेणं तेणं समएण साहंजणी नामं नयरी होत्था-रिद्धत्थिमियसमिद्धा ।। ३. तीसे णं साहंजणीए नयरीए बहिया उत्तरपुरथिमे दिसीभाए देवरमणे नामं
उज्जाणे होत्था । ४. तत्थ णं अमोहस्स जक्खस्स जक्खाययणे होत्था-पोराणे॥ ५. तत्थ णं साहंजणीए नयरीए महचंदे नाम राया होत्था-महयाहिमवंत-महंत
मलय-मंदर-महिंदसारे ।। ६. तस्स णं महचंदस्स रण्णो सुसेणे नामं अमच्चे होत्था-साम-भेय-दंड-उवप्पयाण
नीति-सुप्पउत्त-नयविहण्णू। ७. तत्थ णं साहंजणीए नयरीए सुदरिसणा नामं गणिया होत्था-वण्णो । ८. तत्थ णं साहंजणीए नयरीए सुभद्दे नाम सत्थवाहे होत्था-अड्ढे ॥ ६. तस्स णं सुभद्दस्स सत्थवाहस्स भद्दा नाम भारिया होत्था-अहीण-पडिपुण्ण
पंचिदियसरीरा॥ १०. तस्स णं सुभद्दस्स सत्थवाहस्स पुत्ते भद्दाए भारियाए अत्तए सगडे नाम दारए
होत्था -- अहीण-पडिपुण्ण-पंचिदियसरीरे ।।
१. सं० पा०--चउत्थस्स उक्खेवग्रो। २. ना० १।१७।
३. पू०-ना० १।१।१६ । ४. वि० ११२७ ।
७५७
Jain Education International
For Private & Personal Use Only
www.jainelibrary.org
