________________
पढम अज्झयणं (उक्खित्तणाए)
२३
चुल्लमाउयाए' धारिणीए देवीए अकालदोहलमणोरहसंपत्ति करित्तए, नन्नत्थ' दिवेणं उवाएणं । अस्थि णं मझ' सोहम्मकप्पवासी पुत्वसंगइए देवे महिड्ढीए •महज्जुइए महापरक्कमे महाजसे महब्बले महाणुभावे° महासोक्खे। तं सेयं खलु ममं पोसहसालाए पोसहियस्स बंभचारिस्स' उम्मुक्कमणिसुवण्णस्स ववगयमालावण्णगविलेवणस्स निक्खित्तसत्थमुसलस्स एगस्स अबीयस्स दब्भसंथारोवगयस्स अट्ठमभत्तं पगिण्हित्ता पुव्वसंगइयं देवं मणसीकरेमाणस्स विहरित्तए। तए णं पुव्वसंगइए देवे मम चुल्लमाउयाए धारिणीए देवीए अयमेयारूवं अकालमेहेसु दोहलं विणेहिति-एवं संपेहेइ, संपेहेत्ता जेणेव पोसहसाला तेणामेव उवागच्छइ, उवागच्छित्ता पोसहसालं पमज्जइ, पमज्जित्ता उच्चारपासवणभूमि पडिलेहेइ, पडिलेहेत्ता दब्भसंथारगं दुरुहइ, दुरुहित्ता अट्ठमभत्तं पगिण्हइ, पगिण्हित्ता पोसहसालाए पोसहिए बंभचारो जाव पुव्वसंगइयं देवं
मणसीकरेमाणे-मणसीकरेमाणे" चिट्ठइ ॥ देवागमण-पदं ५४. तए णं तस्स अभयकुमारस्स अट्ठमभत्ते परिणममाणे पुव्वसंगइयस्स देवस्स
ग्रासणं चलइ। ५५. तए णं से पुव्वसंगइए सोहम्मकप्पवासी देवे आसणं चलियं पासइ, पासित्ता
प्रोहिं पउंजइ। ५६. तए णं तस्स पुव्वसंगइयस्स देवस्स अयमेयारूवे अज्झत्थिए१२ चिंतिए पत्थिए
मणोगए संकप्पे ° समुप्पज्जित्था- एवं खलु मम पुव्वसंगइए जंबुद्दीवे दीवे भारहे वासे दाहिणड्ढभरहे रायगिहे नयरे पोसहसालाए पोसहिए अभए नामं कुमारे अट्ठमभत्तं पगिण्हित्ता णं ममं मणसीकरेमाणे-मणसीकरेमाणे चिद्रइ। तं सेयं खलु मम अभयस्स कुमारस्स अंतिए पाउब्भवित्तए-एवं संपेहेइ, संपेहेत्ता उत्तरपुरत्थिमं दिसीभागं अवक्कमइ, अवक्कमित्ता वेउव्वियसमुग्धाएणं
१. तुल्ल ° (ग) प्रायः सर्वत्र। २. ण अण्णत्थ (क)। ३. मम (घ)। ४. सं० पा०–महिड्ढीए जाव महासाक्खे । ५. महसोक्खे (क, ख)। ६. बंभयारिस्स (घ)। ७. परिगिण्हित्ता (क, घ)। ८. तेणेव (घ)।
६. पडिलेहेत्ता दब्भसंथारयं पडिलेहेइ, पडिलेहेत्ता
(ख, घ), अत्र उपासकदशायाः प्रथमाध्ययने (६०) सूत्रे एवं पाठो विद्यते-दब्भसंथारयं
संथरेइ, संथरेत्ता। १०. अट्ठमं ° (ख)। ११. X (क, ख, घ)। १२. सं० पा०--अज्झथिए जाव समुप्पज्जित्था।
Jain Education International
For Private & Personal Use Only
www.jainelibrary.org
