________________
७४०
विवागसुयं
४४. तए णं से गोत्तासे कूडग्गाहे दोच्चाए पुढवीए अणंतरं उव्वट्टित्ता इहेव वाणिय
गामे नयरे विजयमित्तस्स सत्थवाहस्स सुभद्दाए भारियाए कुच्छिसि पुत्तत्ताए
उववण्णे ॥ ४५. तए णं सा सुभद्दा सत्थवाही अण्णया कयाइ नवण्हं मासाणं बहुपडिपुण्णाणं
दारगं पयाया ॥ ४६. तए णं सा सुभद्दा सत्थवाही तं दारगं जायमेत्तयं चेव एगते उक्कुरुडियाए'
उज्झावेइ, उज्झावेत्ता दोच्चं पि गिण्हावेइ, गिण्हावेत्ता अणुपुव्वेणं सारक्खमाणी
संगोवेमाणी संवड्ढेइ॥ ४७. तए णं तस्स दारगस्स अम्मापियरो ठिइवडियं च चंदसूरदसणं' च जागरियं
च महया इड्डीसक्कारसमुदएणं करेंति ॥ ४८. तए णं तस्स दारगस्स अम्मापियरो एक्कारसमे दिवसे निव्वत्ते संपत्ते बारसाहे
अयमेयारूवं गोण्णं गुणनिप्फण्णं नामधेज्जं करेंति--जम्हा णं अम्हं इमे दारए जायमेत्तए चेव एगते उक्कुरुडियाए उज्झिए, तम्हा णं होउ अम्हं दारए
उज्झियए नामेणं ॥ ४६. तए णं से उज्झियए दारए पंचधाईपरिग्गहिए, [तं जहा-खीरधाईए मज्जण
धाईए मंडणधाईए कीलावणधाईए अंकधाईए] ' जहा दढपइण्णे जाव निव्वाय
निव्वाघाय-गिरिकंदरमल्लीणे व्व चंपगपायवे सुहंसुहेणं विहरइ ।।। ५०. तए णं से विजयमित्ते सत्थवाहे अण्णया कयाइ गणिमं च धरिमं च मेज्जं च
पारिच्छेज्जं च-चउव्विहं भंडं गहाय लवणसमुदं पोयवहणेण उवागए। ५१. तए णं से विजयमित्त तत्थ लवणसमुद्दे पोयविवत्तोए निब्बुड्डभंडसारे अत्ताणे
असरणे कालधम्मुणा संजुत्ते ।। ५२. तए णं तं विजयमित्तं सत्थवाहं जे जहा बहवे ईसर-तलवर-माडंबिय-कोडुबिय
इब्भ-सेट्ठि-सत्थवाहा लवणसमुद्दपोयविवत्तियं निब्बुड्डभंडसारं कालधम्मुणा संजुत्तं सुणेति, ते तहा हत्थनिक्खेवं च बाहिरभंडसारं च गहाय एगंतं
अवक्कमंति ॥ ५३. तए णं सा सुभद्दा सत्थवाही विजयमित्तं सत्थवाहं लवणसमुद्दपोयविवत्तियं
निब्बुड्डभंडसारं कालधम्मुणा संजुत्तं सुणेइ, सुणेत्ता महया पइसोएणं अप्फुण्णा
१. उक्करुडियाए (ग)। २. संवड्ढेमाणीति (क)। ३. ठियपडियं (क); ठियपडिकम्मं (घ)। ४. चंदसूरपासणियं (वृ)। ५. इमेयारूवं (घ)।
६. असो कोष्ठकवर्ती पाठः व्याख्यांश: प्रतीयते। ७. ओ० सू० १४४, वाचनान्तर पृ० १५१,
१५२। ८. भंडगं (घ)। ६. लवणसमुद्दे पोय ° (क, ख, ग, घ)।
Jain Education International
For Private & Personal Use Only
www.jainelibrary.org
