________________
७२४
विवागसुयं
वा। पचक्खं खलु अयं पुरिसे निरयपडिरूवियं वेयणं वेदिति' त्ति कटु मियं देवि पापुच्छइ, आपुच्छित्ता मियाए देवीए गिहाम्रो पडिनिक्खमइ, पडिनिक्खमित्ता मियग्गामं नयरं मज्झमज्झणं निग्गच्छइ, निग्गच्छित्ता जेणेव समणे भगवं महावीरे तेणेव उवागच्छइ, उवागच्छित्ता समणं भगवं महावीरं तिक्खुत्तो आयाहिण-पयाहिणं करेइ, करेत्ता वंदइ नमसइ, वंदित्ता नमंसित्ता एवं वयासी-एवं खलु अहं तुब्भेहिं अब्भणुण्णाए समाणे मियग्गामं नयरं मझमज्झेणं अणुप्पविसामि, जेणेव मियाए देवीए गिहे तेणेव उवागए। तए णं सा मियादेवी ममं एज्जमाणं पासइ, पासित्ता हट्ठा, तं चेव सव्वं जाव' पूयं च सोणियं च आहारेइ । तए णं मम इमेयारूवे अज्झत्थिए चितिए कप्पिए पत्थिए मणोगए संकप्पे समुप्पज्जित्था-अहो णं इमे दारए पुरा' •पोराणाणं दुच्चिण्णाणं दुप्पडिक्कंताणं असुभाणं पावाणं कडाणं कम्माणं पावगं फलवित्तिविसेसं
पच्चणुभवमाणे ° विहरइ॥ ४२. से णं भंते ! पुरिसे पुव्वभवे के आसि ? किं नामए वा किं गोत्ते वा ?
'कयरंसि गामंसि वा नयरंसि वा ? किं वा दच्चा किं वा भोच्चा कि वा समायरित्ता, केसि वा पुरा' •पोराणाणं दुच्चिण्णाणं दुप्पडिक्कंताणं असुभाणं
पावाणं कडाणं कम्माणं पावगं फलवित्तिविसेसं पच्चणुभवमाणे ° विहरइ ? मियापुत्तस्स एक्काइभव-वण्णग-पदं ४३. गोयमाइ ! समणे भगवं महावीरे भगवं गोयम एवं वयासी-एवं खलु गोयमा!
तेणं कालेणं तेणं समएणं इहेव जंबुद्दीवे दीवे भारहे वासे सयदुवारे नामं नयरे
होत्था - रिद्धत्थिमियसमिद्धे वण्णो । ४४. तत्थ णं सयदुवारे नयरे धणवई नामं राया होत्था-वण्णयो । ४५. तस्स णं सयदुवारस्स नयरस्स अदूरसामंते दाहिणपुरथिमे दिसीभाए विजय
वद्धमाणे नामं खेडे होत्था-रिद्धस्थिमियसमिद्धे ॥ ४६. तस्स णं विजयवद्धमाणस्स खेडस्स पंच गामसयाई प्राभोए यावि होत्था । ४७. तत्थ णं विजयवद्धमाणे खेडे एक्काई नाम रट्ठकूडे होत्था-अहम्मिए अधम्मा
१. वेत्ति (ख); वेयह (घ)।
७. ओ० सू०१। २. वि०१।१२६-४० ।
८. ओ० सू० १४ । ३. सं० पा०-पुरा जाव विहरइ।
६. °वड्ढमाणस्स (क, ख, ग) सर्वत्र । ४. गोए (घ)।
१०. एकायि (क, ग)। ५. कयरं गाम (क); कयरं गामं कि कए (ख)। ११. सं० पा०--अहम्मिए जाव दुप्पडियाणंदे। ६. सं० पा०—पुरा जाव विहरइ।
Jain Education International
For Private & Personal Use Only
www.jainelibrary.org
