________________
७२१
पढम अज्झयणं (मियापुत्ते) २४. तेणं कालेणं तेणं समएणं समणस्स भगवनो महावीरस्स जेटे अंतेवासी इंदभूई
नामं अणगारे जाव' संजमेणं तवसा अप्पाणं भावेमाणे विहरइ॥ २५. तए णं से भगवं गोयमे तं जाइअंधं पुरिसं पासइ, पासित्ता जायसड्ढे जाय
संसए जायकोउहल्ले. उप्पण्णसडढे उप्पण्णसंसए उप्पण्णकोउहल्ले, संजायसडढे संजायसंसए संजायकोऊहल्ले, समुप्पण्णसड्ढे समुप्पण्णसंसए समुप्पण्णकोऊहल्ले उठाए उद्वेइ, उद्वेत्ता जेणेव समणे भगवं महावीरे तेणेव उवागच्छइ, उवागच्छित्ता समणं भगवं महावीरं तिक्खुत्तो पायाहिण-पयाहिणं करेइ, करेत्ता वंदइ णमंसइ, वंदित्ता णमंसित्ता नच्चासण्णे नाइदूरे सुस्सूसमाणे णमंसमाणे अभिमुहे विणएणं पंजलिउडे पज्जुवासमाणे ° एवं वयासी-अत्थि णं भंते ! केइ पुरिसे जाइग्रंधे जायग्रंधारूवे' ?
हंता अत्थि ॥ भगवया मियापुत्तरूव-निरूवण-पदं २६. कहं णं भंते ! से पूरिसे जाइअंधे जायअंधारूवे ?
एवं खलु गोयमा ! इहेव मियग्गामे नयरे विजयस्स खत्तियस्स पुत्ते मियादेवीए अत्तए मियापुत्ते नाम दारए जाइअंधे जायअंधारूवे । नत्थि णं तस्स दारगस्स 'हत्था वा पाया वा कण्णा वा अच्छी वा नासा वा केवलं से तेसि अंगोवंगाणं अागिती प्रागितिमेत्ते । तए णं सा मियादेवी' 'तं मियापुत्तं दारगं रहस्सियंसि भूमिघरंसि रहस्सिएणं
भत्तपाणणं ° पडिजागरमाणी-पडिजागरमाणी विहरइ ।। गोयमस्स मियापुत्तदसण-पदं २७. तए णं से भगवं गोयमे समणं भगवं महावीरं वंदइ नमसइ, वंदित्ता नमंसित्ता
एवं वयासी-इच्छामि णं भंते ! अहं तुम्भेहिं अब्भणुण्णाए समाणे मियापुत्तं दारगं पासित्तए।
अहासुहं देवाणुप्पिया ! २८. तए णं से भगवं गोयमे समणेणं भगवया महावीरेणं अब्भणुण्णाए' समाण
हतूटे समणस्स भगवनो महावीरस्स अंतियाओ पडिनिक्खमइ, पडिनिक्खमित्ता अतुरिय' मचवलमसंभंते जुगंतरपलोयणाए दिट्ठीए पुरो रियं ° सोहेमाणे
१. ओ० सू० ८२। २. सं० पा०—जायसड्ढे जाव एवं। ३. जाइअंधारूवे (घ)। ४. सं० पा०---दारगस्स जाव आगितिमेत्ते ।
५. सं० पा०—मियादेवी जाव पडिजागरमाणी। ६. अणुण्णाते (क)। ७. सं० पा०—अतुरियं जाव सोहेमाणे।
www.jainelibrary.org
Jain Education International
For Private & Personal Use Only
