________________
७००
पण्हावागरणाई वणेसु जह नंदणवणं पवरं, दुमेसु जह जंबू सुदंसणा वीसुयजसा-जीसे नामेण य अयं दीवो, तुरगवती गयवती रहवती नरवती जह वीसुए चेव राया, रहिए चेव जहा महारहगते।
एवमणेगा गुणा अहीणा भवंति एक्कमि बंभचेरे ।। ३. जमि य आराहियंमि पाराहियं वयमिणं सव्वं ।
सीलं तवो य विणो य, संजमो य खंती गुत्ती मुत्ती। तहेव इहलोइय-पारलोइय-जसो य कित्ती य पच्चयो य । तम्हा निहुएण बंभचेरं चरियव्वं सव्वो विसुद्धं जावज्जीवाए जाव सेयट्ठिसंजोत्ति-एवं भणियं वयं भगवया। तं च इम
पंचमहव्वय-सुव्वयमूलं, समणमणाइलसाहुसुचिण्णं । वेरविरामण-पज्जवसाणं, सव्वसमुद्द-महोदधितित्थं ॥१॥ तित्थकरेहि सुदेसियमग्गं, नरयतिरिच्छविवज्जियमग्गं । सव्वपवित्त-सुनिम्मियसारं, सिद्धिविमाण-अवंगुयदारं ॥२॥ देवनरिंदनमंसियपूयं, सव्वजगुत्तममंगलमग्गं ।
दुद्धरिसं गुणनायगमेक्क, मोक्खपहस्स वडिसकभूयं ॥३॥ जेण सुद्धचरिएण भवइ सुबंभणो सुसमणो सुसाहू । स इसी स मुणी स संजए
स एव भिक्खू, जो सुद्धं चरति बंभचेरं ।। बंभचेरथिरीकरण-पदं ४. इमं च रति-राग-दोस-मोह-पवड्दणकरं किमज्झ-पमायदोस-पासत्थसीलकरणं
अब्भंगणाणि य तेल्लमज्जणाणि य अभिक्खणं कक्खसीसकरचरणवदणधोवणसंबाहण-गायकम्म-परिमद्दण-अणुलेवण-चुण्णवास-धूवण - सरीरपरिमंडण-बाउसिक-हसिय-भणिय-नट्ट गीयवाइयनडनट्टकजल्लमल्लपेच्छण-वेलंबक जाणि य सिंगारागाराणि य अण्णाणि य एवमादियाणि तव-संजम-बंभचर-घातोवघातियाइं अणुचरमाणेणं बंभचेरं वज्जयव्वाइं सव्वकालं । भावेयव्वो भवइ य अंतरप्पा इमेहि तव-नियम-सील-जोगेहिं निच्चकालं, कि ते ?अण्हाणक-ऽदंतधोवण' - सेयमलजल्लधारण - मूणवय-केसलोय-खम-दम-अचेलगखप्पिवास - लाघव - सितोसिण-कट्ठसेज्ज-भूमिनिसेज्ज-परघरपवेस-लद्धावलद्ध
१. संमोह (क, च)।
वर्जयितव्या इति योगः (व)। २. छान्दसत्वाच्च प्रथमाबहुवचनलोपो दृश्यः, ३. अदंतधोवण (च)।
Jain Education International
For Private & Personal Use Only
www.jainelibrary.org
