________________
सत्तमं अज्झयणं
बीयं संवरदारं उक्खेव-पदं १. जंबू ! बितियं च सच्चवयणं-सुद्धं सुइयं सिवं सुजायं सुभासियं सुव्वयं सुकहियं
सुदिटुं सुपतिट्ठियं सुपतिट्ठियजसं सुसंजमियवयणबुइयं सुरवर-नरवसभ-पवरबलवग-सुविहियजण-बहुमयं परमसाहुधम्मचरणं तव-नियम-परिग्गहियं सुगतिपहदेसगं च लोगुत्तमं वयमिणं विज्जाहरगगणगमणविज्जाण साहकं सग्गमग्गसिद्धिपहदेसक अवितह, तं सच्चं उज्जुयं अकुडिलं भूयत्थं, अत्थतो विसुद्धं उज्जोयकरं पभासकं भवति सव्वभावाण जीवलोगे अविसंवादि जहत्थमधुरं
पच्चक्खं दइवयं व जं तं अच्छेरकारकं अवत्थंतरेसु बहुएसु माणुसाणं ।। सच्चस्स माहप्प-पदं २. सच्चेण महासमुद्दमज्झे चिटुंति, न निमज्जंति मूढाणिया वि पोया ॥ ३. सच्चेण य उदगसंभमंमि वि' न बुज्झइ, न य मरंति, थाहं च ते लभंति ॥ ४. सच्चेण य अगणिसंभमंमि विन डज्झति उज्जुगा' मणसा॥ ५. सच्चेण य तत्ततेल्ल-तउय-लोह-सीसकाई छिवंति धरेंति', न य डझंति मणसा॥ ६. पव्वयकडकाहिं मुच्चंते, न य मरंति सच्चेण य परिग्गहिया ।। 1. असिपंजरगया समरानो वि णिइंति अणहा य सच्चवादी।
१. दरियवं (ख, ग); देवयं (च)। २. ४ (क, ख, ग, घ, च)। ३. वचनपरिणामान्नोह्यन्ते (व) । ४. ४ (क)।
५. उज्जगा (क, ख, घ)। ६. अंजलिभिरिति गम्यते (व)। ७. असिपंजरसत्तिपंजरगया (क, च)।
६८६
Jain Education International
For Private & Personal Use Only
www.jainelibrary.org
