________________
६७२
पण्हावागरणाई
विसद'-गंधुद्धयाभिरामाहिं चिल्लिकाहिं' उभयोपासंपि चामराहि उक्खिप्पमाणाहिं सुहसीतलवातवीतियंगा। अजिता अजितरहा हल-मुसल-कणगपाणी' संख-चक्क-गय-सत्ति-णंदगधरा पवरुज्जलसुकय-विमलकोत्थुभ-तिरीडधारी कुंडल उज्जोवियाणणा पुंडरीयणयणा एगावलीकंठरइयवच्छा सिरिवच्छसुलंछणा वरजसा सव्वोउय-सुरभिकुसुम-सुरइयपलंब-सोहंत-वियसंत-चित्तवणमालरइयवच्छा, अट्ठसयविभत्तलक्खण-पसत्थसुंदरविराइयंगमंगा मत्तगयरिंद-ललियविक्कम-विलसियगती कडिसुत्तगनील-पीत-कोसेज्जवाससा पवरदित्ततेया सारयनवथणिय-महुरगंभीरनिद्धघोसा नरसीहा सीहविक्कमगई अत्थमिय-पवररायसीहा सोमा वारवइपुण्णचंदा पुवकडतवप्पभावा" निविट्ठसंचियसुहा अणेगवाससयमायुवंतो भज्जाहि य जणवयप्पहाणाहिं लालियंता अतुलसद्द-फरिस-रस-रूव-गंधे
अणुभवेत्ता ते वि उवणमंति मरणधम्म, अवितित्ता कामाणं ।। मंडलिय-नरवरेंदस्स प्रबंभ-पदं ६. भुज्जो मंडलिय-नरवरेंदा सबला सतेउरा सपरिसा सपुरोहिय-अमच्च
दंडनायक-सेणावति-मंतनोतिकुसला नाणामणि रयण-विपुलधण-धन्न-संचयनिही समिद्धकोसा रज्जसिरि विपुलमणुभवित्ता विक्कोसंता बलेण मत्ता ते वि
उवणमंति मरणधम्म, अवितित्ता कामाणं ।। जुगलियाणं लावण्णनिरूवणपुरस्सरं अबंभ-पदं ७. भज्जो उत्तरकुरु-देवकुरु-वणविवर-पायचारिणो नरगणा भोगुत्तमा भोगलक्खण
धरा भोगसस्सिरीया पसत्थसोम्मपडिपुण्णरूवदरिसणिज्जा' सुजात-सव्वंगसंदरंगा रत्तुप्पलपत्तकंत-कर-चरण-कोमलतला सुपइट्ठिय-कुम्मचारुचलणा अणुपुव्वसुसंहयंगुलीया" उन्नततणुतंबनिद्धनक्खा संठियसुसिलिट्ठगूढगोंफा एणी-कुरुविंद-वत्त-वट्टाणुपुव्वजंघा समुग्ग-निसग्गगूढजाणू५ वरवारणमत्त-तुल्लविक्कम-विलासितगती वरतुरग-सुजायगुज्झदेसा पाइण्णहयव्व
१. विसय (क, घ, च)। २. चिल्लकाहिं (क, ग)। ३. चकक० (ख, ग)। ४. गोथभ (क, घ, च)। ५. अत्थमिया (क, ख, ग, घ, च, वृ); अत्थमिय
(वृपा)। ६. पुण्णयंदा (क, ख, घ)।
७. पुवकय ° (ग, च)। ८. निविड° (ग)। ६. ° सोम ° (ख, ग, घ, च)। १०. ° सुमाहयं ° (क); आणुपुव्वीसुजायपीवरंगु
लीया (वृपा) । ११. निमुग्ग ° (वृपा)।
Jain Education International
For Private & Personal Use Only
www.jainelibrary.org
