________________
६३२
अणुत्तरोववाइयदसाओ ७१. तए णं से सुणक्खत्ते अणगारे तेणं अोरालेणं' तवोकम्मेणं' जहा खंदो' अईव
अईव उवसोभेमाणे चिट्ठइ ॥ ७२. तेणं कालेणं तेणं समएणं रायगिहे नयरे। गुणसिलए चेइए । सेणिए राया।
सामी समोसढे । परिसा निग्गया। राया निग्गयो। धम्मकहा। राया पडिगो । परिसा पडिगया। तए णं तस्स सुणक्खत्तस्स अणगारस्स अण्णया कयाइ पुव्वरत्तावरत्तकाले धम्मजागरियं जागरमाणस्स इमेयारूवे अज्झथिए चितिए पत्थिए मणोगए संकप्पे समुप्पज्जित्था, जहा खंदयस्स । बहू वासा परियायो। गोयमपुच्छा। तहेव कहेइ जाव सव्वट्ठसिद्धे विमाणे देवत्ताए उववण्णे । तेत्तीसं सागरोवमाइं ठिई। महाविदेहे वासे सिज्झिहिइ ।
३-१० अज्झयणाणि
इसिदासादि-पदं ७४. एवं सुणक्खत्तगमेणं सेसा वि अट्ठ अज्झयणा भाणियन्वा, नवरं-आणुपुव्वीए
दोण्णि रायगिहे, दोण्णि साकेते, दोण्णि वाणियग्गामे, नवमो हत्थिणपुरे, दसमो रायगिहे । नवण्हं भद्दाप्रो जणणीयो। नवण्ह वि बत्तीसपो दायो । नवण्हं निक्खमणं थावच्चात्तस्स सरिसं। वेहल्लस्स पिया करेइ । छम्मासा वेहल्लए। नव धण्णे । सेसाणं बहू वासा । मासं संलेहणा। सव्वट्ठसिद्धे । सव्वे महाविदेहे
सिज्झिस्संति ॥ निक्खेव-पदं ७५. एवं खलु जंबू ! समणेणं भगवया महावीरेणं आइगरेणं तित्थगरेणं सहसंबुद्धेणं
लोगणाहेणं लोगप्पदीवेणं लोगपज्जोयगरेणं अभयदएणं सरणदएणं चक्खुदएणं मग्गदएणं धम्मदएणं धम्मदेसएणं' धम्मवरचाउरंतचक्कवट्टिणा अप्पडिहयवरणाणदसणधरेणं जिणेणं जाणएणं बुद्धेणं बोहएणं मुत्तेणं मोयएणं तिण्णेणं तारएणं सिवमयलमरुयमणंतमक्खयमव्वाबाहमपुणरावत्तयं सिद्धिगइनामधेयं ठाणं संपत्तेणं अणुत्तरोववाइयदसाणं तच्चस्स वग्गस्स अयम? पण्णत्ते ।।
१,२. पू० ३।३०। ३. भ० २१६४। ४. भ०२।६६-७१ ।। ५. ठिई से णं भते (क, ख, ग, ष)।
६. पू०-ना० १।५।२२-३३ ; ७. 'निक्खमणं' इति शेषः । ८. X (ख)। ६. ४ (क)।
Jain Education International
For Private & Personal Use Only
www.jainelibrary.org
