________________
तच्चो वग्गो-पढमं अज्झयणं (धण्णे)
६२१ गए संकप्पे समुप्पज्जित्था-किण्णं अज्ज काकंदीए नयरीए इंदमहे इ वा जण्ण एते बहवे उग्गा भोगा जाव' निग्गच्छंति एवं संपेहेइ, संपेहेत्ता कंचुइपुरिसं सद्दावेइ, सद्दावेत्ता एवं वयासी-किण्णं देवाणुप्पिया ! अज्ज काकंदीए नयरीए
इंदमहे इ वा जाव निग्गच्छंति ? १२. तए णं से कंचुइपुरिसे समणस्स भगवो महावीरस्स आगमणगहियविणिच्छए
धण्णं दारयं एवं वयासी'-एवं खलु देवाणुप्पिया ! अज्ज समणे भगवं महावीरे काकंदीए नयरीए बहिया सहसंबवणे उज्जाणे अहापडिरूवं प्रोग्गहं ओगिण्हित्ता संजमेणं तवसा अप्पाणं भावेमाणे विहरइ, तए णं एते बहवे उग्गा भोगा जाव'
निग्गच्छंति ॥ १३. तए णं से धण्णे दारए कंचुइपुरिसस्स अंतियं एयमढे सोच्चा निसम्म हट्टतुटे
जाव' पायचारेणं जेणेव समणे भगवं महावीरे तेणेव उवागच्छइ, उवागच्छित्ता समणं भगवं महावीरे तिक्खुत्तो प्रायाहिण-पयाहिगं करेइ, करेत्ता वंदइ नमसइ,
वंदित्ता नमंसित्ता तिविहाए पज्जुवासणाए पज्जुवासइ॥ १४. तए णं समणे भगवं महावीरे धण्णस्स दारयस्स तोसे य महइमहालियाए इसि
परिसाए जाव' धम्म परिकहेइ ।। १५. तए णं से धणे दारए समणस्स भगवनो महावीरस्स अंतिए धम्म सोच्चा
निसम्म हट्टतुटे समणं भगवं महावोरं तिक्खुत्तो पायाहिण-पयाहिणं करेइ, करेत्ता वंदइ नमसइ, वंदित्ता नमंसित्ता एवं वयासी-सदहामि णं भंते ! निग्गंथं पावयणं जाव' अम्मयं भई सत्थवाहि आपूच्छामि, तए णं अहं देवाणप्पियाणं अंतियं मुंडे भवित्ता अगाराप्रो अणगारियं पव्वयामि ।
अहासूह देवाणप्पिया ॥ १६. जहा जमाली तहा आपुच्छइ । १७. तए णं सा भद्दा सत्थवाही तं अणिटुं अकंतं अप्पियं अमणुण्णं अमणामं असुय
पूवं फरुसं गिरं सोच्चा निसम्म धसत्ति सव्वंगेहिं संनिवडिया । वृत्तपडिवृत्तया
जहा महब्बले ॥ १८. तए णं तं धण्णं दारयं भद्दा सत्थवाहो जाहे नो संचाएइ जाव" जियसत्तुं
१. पू०-भ०६।१५८ । २. भ० ६।१५८ । ३. पू०-भ० ६।१५६ । ४. भ० ६।१५९; ओ० सू० ५२ । ५. भ. ६।१६२ । ६. भ० ६।१६३ ।
७. भ० ४।१६४ । ८. पू०-भ० ६।१६५-१६७ । ६. पू०-भ० ६।१६८ । १०. भ० ११।१६६; ना० १११११०६-११३ । ११. ना० १।५।१६,२० ।
Jain Education International
For Private & Personal Use Only
www.jainelibrary.org
