________________
५६२
अंतगडदसाओ
जाणामि णं अम्मयायो ! जहा सएहिं कम्माययणेहिं जीवा नेरइय-तिरिक्खजोणिय-मणुस्स-देवेसु° उववज्जति । एवं खलु अहं अम्मयानो ! जं चेव जाणामि तं चेव न जाणामि, जं चेव न जाणामि तं चेव जाणामि । तं इच्छामि णं अम्मयाअो! तुब्भेहिं अब्भणुण्णाए
जाव' पव्वइत्तए । ६५. तए णं तं अइमुत्तं कुमारं अम्मापियरो जाहे नो संचाएंति बहूहिं आघवणाहि
'य पण्णवणाहि य सण्णवणाहि य विण्णवणाहि य आघवित्तए वा पण्णवित्तए वा सण्ण वित्तए वा विण्णवित्तए वा ताहे अकामकाई चेव अइमुत्तं कुमारं एवं
वयासी -तं इच्छामो ते जाया ! एगदिवसमवि रायसिरि पासेत्तए॥ ६६. तए णं से अइमुत्ते कुमारे अम्मापिउवयणमणुयत्तमाणे तुसिणीए संचिट्ठइ ।
अभिसेयो जहा महब्बलस्स' निक्खमणं जाव' सामाइयमाइयाइं एक्कारस अंगाई अहिज्जइ । बहूई वासाइं सामण्णपरियागं पाउणइ, गुण रयणं तवोकम्म जाव विपुले सिद्धे ।।
सोलसमं अज्झयणं
अलक्के अलक्क-पदं ६७. तेणं कालेणं तेणं समएणं वाणारसी नयरी, काममहावणे चेइए। १८. तत्थ णं वाणारसीए अलक्के नाम राया होत्था ।। ६६. तेणं कालेणं तेणं समएणं समणे भगवं महावीरे जाव' विहरइ। परिसा
निग्गया । १००. तए णं अलक्के राया इमोसे कहाए लढे हट्टतुटे जहा कोणिए जाब" पज्जुवा
सइ । धम्मकहा ।।
२. सं० पा०–नेरइय जाव उववज्जति । ३. अं० ६१६० । ४. सं० पा०-आघवणाहिं० । ५. महाबलस्स (क, घ)। भ० ११।१६८।
६. भ० ११११६८,१६६ । ७. X (क, ख. ग,)। ८. अं० १।२३,२४। ६. अं० ६।३३। १०. ओ० सू० ५४-६६ ।
Jain Education International
For Private & Personal Use Only
www.jainelibrary.org
