________________
५६०
अंतगडदसाओ संपरिवुडे सानो गिहाओ पडिणिक्खमइ, पडिणिक्खमित्ता जेणेव इंदढाणे तेणेव उवागए। तेहिं बहूहिं दारएहि य संपरिवुडे अभिरममाणे-अभिरममाणे
विहरइ ॥ ७८. तए णं भगवं गोयमे पोलासपुरे नयरे उच्च'- नीय-मज्झिमाइं कुलाइं घरसमु
दाणस्स भिक्खायरियाए° अडमाणे इंदट्ठाणस्स अदूरसामंतेणं वीईवयइ॥ ७६. तए णं से अइमत्ते कमारे भगवं गोयमं अदरसामंतेणं वीईवयमाणं पासइ,
पासित्ता जेणेव भगवं गोयमे तेणेव उवागए, भगवं गोयम एवं वयासी-के णं
भंते ! तुब्भे? कि वा अडह ? ८०. तए णं भगवं गोयमे अइमुत्तं कुमारं एवं वयासी-अम्हे णं देवाणुप्पिया !
समणा निग्गंथा इरियासमिया जाव' गुत्तबंभयारी उच्च'- नीय-मज्झिमाई
कुलाइं घरसमुदाणस्स भिक्खायरियाए ° अडामो॥ ८१. तए णं अइमुत्ते कुमारे भगवं गोयमं एवं वयासी-एह णं भंते ! तुब्भे जा णं'
अहं तुम्भं भिक्खं दवावेमी त्ति कटु भगवं गोयमं अंगुलीए गेण्हइ, गेण्हित्ता
जेणेव सए गिहे तेणेव उवागए। ८२. तए णं सा सिरिदेवी भगवं गोयम एज्जमाणं पासइ, पासित्ता हट्टतुट्टा पासणाग्रो
अब्भुढेइ, अब्भुद्वेत्ता जेणेव भगवं गोयमे तेणेव उवागया । भगवं गोयमं तिक्खुत्तो आयाहिण-पयाहिणं करेइ, करेत्ता वंदइ नमसइ, वंदित्ता नमंसित्ता
विउलेणं असण-पाण-खाइम-साइमेणं पडिलाभेइ, पडिलाभेत्ता पडिविसज्जेइ ।। ८३. तए णं से अइमुत्ते कुमारे भगवं गोयमं एवं वयासी-कहिं णं भंते ! तुब्भे
परिवसह ? ८४. तए णं से भगवं गोयमे अइमुत्तं कुमारं एवं वयासी-एवं खलु देवाणुप्पिया !
मम धम्मायरिए धम्मोवएसए समणे भगवं महावीरे आइगरे जाव' सिद्धिगइनामधेज्जं ठाणं संपाविउकामे इहेव पोलासपुरस्स नगरस्स बहिया सिरिवणे उज्जाणे अहापडिरूवं प्रोग्गहं योगिण्हित्ता संजमेणं तवसा अप्पाणं° भावेमाणे
विहरइ । तत्थ णं अम्हे परिवसामो ।। प्राइमुत्तकुमारस्स पव्वज्जा-पदं ८५. तए णं से अइमुत्ते कुमारे भगवं गोयमं एवं वयासी--गच्छामि णं भंते ! अहं
तुब्भेहिं सद्धि समणं भगवं महावीरं पायवंदए । अहासुहं देवाणुप्पिया ! मा पडिबंध करेहि ।।
१. सं० पा०-उच्च जाव अडमाणे । २. ना० १।१।१६४ । ३. सं० पा-उच्च जाव अडामो। ४. जेणेवहं (ख, घ)।
५. धम्मोवएसए धम्मनेयरी (क); ०धम्मे
नेतारी (ख, घ)। ६. ओ० सू० १६ । ७. सं० पा.-संजमेणं जाव भावेमाणे।
Jain Education International
For Private & Personal Use Only
www.jainelibrary.org
