________________
पंचमो वग्गो-२-८ अज्झयणाणि
५७७
आभरणालंकारं प्रोमुयइ, प्रोमुयित्ता सयमेव पंचमुट्ठियं लोयं करेइ, करेत्ता जेणेव अरहा अरिटणेमी तेणेव उवागच्छइ, उवागच्छित्ता अरहं अरिडणेमि वंदइ नमसइ, वंदित्ता नमंसित्ता एवं वयासी-प्रालित्ते णं भंते ! लोए जाव'
तं इच्छामि णं देवाणुप्पिएहि धम्ममाइक्खिय ।। २७. तए णं अरहा अरिडणेमी पउमावई देवि सयमेव पव्वावेइ, पव्वावेत्ता सयमेव
जक्खिणीए अज्जाए सिस्सिणित्ताए दलयइ ।। २८. तए णं सा जविखणी अज्जा पउमावइं देवि सयमेव पवावेइ सयमेव मुंडावेइ
सयमेव सेहावेति धम्ममाइक्खइ-एवं देवाणुप्पिए ! गंतव्वं जाव' संजमेणं °
संजमियव्वं ॥ २६. तए णं सा पउमावई देवी तमाणाए तह चिट्ठइ जाव' संजमेणं संजमइ ॥ ३०. तए णं सा पउमावई अज्जा जाया । इरियासमिया जाव गुत्तबंभयारिणी ॥ ३१. तए णं सा पउमावई अज्जा जविखणीए अज्जाए अंतिए सामाइयमाइयाई
एक्कारस अंगाइं अहिज्जइ, बहूहि चउत्थ-छट्ठट्ठम-दसम-दुवालसेहिं मासद्ध
मासखमणेहि विविहेहिं तवोकम्मेहि अप्पाणं भावेमाणी विहरइ॥ ३२. तए णं सा पउमावई अज्जा बहुपडिपुण्णाई वीसं वासाइं सामण्णपरियागं
पाउणइ, पाउणित्ता मासियाए संलेहणाए अप्पाणं झूसेइ, झूसेत्ता सढि भत्ताई अणसणाए छेदेइ, छेदेत्ता जस्सट्टाए कीरइ नग्गभावे मुंडभावे जाव' तमटुं पाराहेइ, चरिमुस्सासेहिं सिद्धा ।
२-८ अझयणाणि गोरिपभिति-पदं ३३. तेणं कालेणं तेणं समएणं वारवई नयरी। रेवयए पव्वए। उज्जाणे नंदणवणे ॥ ३४. तत्थ णं बारवईए नयरीए कण्हे वासुदेवे ॥ ३५. तस्स णं कण्हस्स वासुदेवस्स गोरी देवी-वण्णो ॥ ३६. अरहा समोसढे । कण्हे णिग्गए। गोरी जहा पउमावई तहा" निग्गया। धम्म
कहा । परिसा पडिगया। कण्हे वि ॥
१. ना० १११११४६ । २. पू०-ना० १।१।१४६ । ३. सं० पा०-पव्वावेइ जाव संजमियव्वं । ४. पू०-ना० १।१।१५० । ५. ना० १११११५० । ६. पू०-ना० १।१।१५१ ।
७. ना० १११११५१ । ८. ना० १११४१४०।
६. प्रो० सू० १५४ । १०. ओ० सू० १५॥ ११. अ० १७ ॥
Jain Education International
For Private & Personal Use Only
www.jainelibrary.org
