________________
पंचमो वग्गो-पढमं अज्झयणं (पउमावई) ६. तेणं कालेणं तेणं समएणं अरहा अरिट्ठणेमी समोसढे जाव' संजमेणं तवसा
अप्पाणं भावेमाणे विहरइ । कण्हे वासुदेवे निग्गए जाव' पज्जुवासइ॥ ७. तए णं सा पउमावई देवो इमोसे कहाए लट्ठा समाणी हट्टतुट्ठा जहा देवई
देवी जाव' पज्जुवासइ॥ ८. तए णं अरहा अरिढणेमी कण्हस्स वासुदेवस्स पउमावईए य देवीए तीसे
महतिमहालियाए महच्चपरिसाए चाउज्जामं धम्म कहेइ, तं जहा-सव्वाग्रो पाणाइवायानो वेरमणं, सव्वानो मुसावायाप्रो वेरमणं, सव्वानो अदिण्णा
दाणागो वेरमणं, सव्वाअो परिग्गहातो वेरमणं ° । परिसा पडिगया ॥ ६. तए णं कण्हे वासुदेवे अरहं अरिट्ठणेमि वंदइ नमसइ, वंदित्ता नमंसित्ता एवं
वयासी-इमीसे णं भंते ! बारवईए नगरीए नवजोयणवित्थिण्णाए जाव'
देवलोगभूयाए किंमूलाए विणासे भविस्सइ ? १०. कण्हाइ ! परहा अरिटणेमी कण्हं वासुदेवं एवं वयासी-एवं खलु कण्हा !
इमीसे बारवईए नयरीए नवजोयणवित्थिण्णाए जाव' देवलोगभूयाए सुरग्गि
दीवायणमूलाए विणासे भविस्सइ ।। ११. कण्हस्स वासुदेवस्स अरहो अरि?णेमिस्स अंतिए एयं सोच्चा निसम्म अयं
अज्झथिए चितिए पत्थिए मणोगए संकप्पे समुप्पज्जित्था-धण्णा णं ते जालिमयालि-उवयालि-पुरिससेण -वारिसेण - पज्जुण्ण-संब-अणिरुद्ध - 'दढणेमि-सच्चणेमि'-प्पभियग्रो कुमारा जे णं चइत्ता हिरण्णं जाव दाणं दाइयाणं परिभाएत्ता अरहो अरिढणे मिस्स अंतियं मुंडा भवित्ता अगाराप्रो अणगारियं° पव्वइया । अहण्णं अधण्णे अकयपुण्णे रज्जे य° •रटे य कोसे य कोट्ठागारे य बले य वाहणे य पुरे य° अंतेउरे य माणुस्सएसु य कामभोगेसु मुच्छिए गढिए गिद्धे अज्झोववण्णे नो संचाएमि अरहो अरिट्ठणेमिस्स" अंतिए मुंडे भवित्ता
अगाराम्रो अणगारियं° पव्वइत्तए ।। १२. कण्हाइ ! अरहा अरिढणेमी कण्हं वासुदेवं एवं वयासी--से नूणं कण्हा ! तव
अयं अज्झत्थिए चितिए पत्थिए मणोगए संकप्पे समुप्पज्जित्था-धण्णा णं ते
१. अं० १।१८। २. अं० ३।६१। ३. अं० ३।३१। ४. सं० पा०-पउमावईए य धम्मकहा। ५. अं०१८। ६. अं० १०८।
७. चतुर्थवर्ग-प्रथमाध्ययनस्य गाथातश्चात्र द्वयो
नम्नो र्व्यत्ययोस्ति । ८. ना० ११५५४५। ६. सं० पा०--मुंडा जाव पव्वइया । १०. सं० पा०-रज्जे य जाव अंतेउरे । ११. सं० पा०—अरिट्रनेमिस्स जाव पब्वइत्तए।
Jain Education International
For Private & Personal Use Only
www.jainelibrary.org
