________________
५५८
अंतगडदसाओ
गयसुकुमालस्स पव्वज्जासंकप्प-पदं
तए णं से गयसुकुमाले अरहो अरिढनेमिस्स अंतिए धम्म सोच्चा' •निसम्म हतुढे अरहं अरिट्टनेमि तिक्खुत्तो आयाहिण-पयाहिणं करेइ, करेत्ता वंदइ नमंसइ, वंदित्ता नमंसित्ता एवं वयासी-सदहामि णं भंते ! निग्गंथं पावयणं, पत्तियामि णं भंते ! निग्गंथं पावयणं, रोएमि णं भंते ! निग्गंथं पावयणं, अभटेमिणं भंते ! निग्गंथं पावयणं । एवमेयं भंते ! तद्रमेयं भंते ! अवितरमेयं भंते ! इच्छियमेयं भंते ! पडिच्छियमेयं भंते ! इच्छिय-पडिच्छियमेयं भंते ! से जहेयं तुब्भे वयह । नवरि देवाणुप्पिया ! अम्मापियरो प्रापुच्छामि। तग्रो पच्छा मुंडे भवित्ता णं अगाराग्रो अणगारियं पव्वइस्सामि ।
अहासुहं देवाणुप्पिया ! मा पडिबंध करेहि ॥ गयसुकुमालस्स अम्मापिऊणं निवेदण-पदं ६४. तए णं से गय सुकुमाले अरहं अरिट्टनेमि वंदइ नमसइ, वंदित्ता नमंसित्ता
जेणामेव हत्थिरयणे तेणामेव उवागच्छइ, उवागच्छित्ता हत्थिखंधवरगए महयाभड-चडगर-पहकरेणं बारवईए नयरीए मझमज्झणं जेणामेव सए भवणे तेणामेव उवागच्छइ, उवागच्छित्ता हत्थिखंधानो पच्चोरुहइ, पच्चोरुहित्ता जेणामेव अम्मापियरो तेणामेव उवागच्छइ, उवागच्छित्ता अम्मापिऊणं पायवडणं करेइ, करेत्ता एवं वयासी-एवं खलु अम्मयानो ! मए अरहो अरिटनेमिस्स अंतिए धम्मे निसंते, से वि य मे धम्मे इच्छिए पडिच्छिए
अभिरुइए। ६५. तए णं तस्स गयसुकुमालस्स अम्मापियरो एवं वयासी-धन्नोसि तुम जाया !
संपुण्णोसि तुमं जाया ! कयत्थोसि तुमं जाया ! कयलक्खणोसि तुमं जाया ! जणं तुमे अरहनो अरिटुनेमिस्स अंतिए धम्मे निसंते से वि य ते धम्मे इच्छिए
पडिच्छिए अभिरुइए । ६६. तए णं से गयसुकुमाले अम्मापियरो दोच्चं पि एवं वयासी-एवं खल
अम्मयानो ! मए अरहओ अरिटनेमिस्स अंतिए धम्मे निसंते, से वि य मे धम्मे इच्छिए पडिच्छिए अभिरुइए। तं इच्छामि णं अम्मयाओ ! तुब्भेहि अब्भणण्णाए समाणे अरहो अरिट्ठनेमिस्स अंतिए मुंडे भवित्ता णं अगाराम्रो अणगारियं पव्वइत्तए॥
१. सं० पा०–सोच्चा जं नवरं अम्मापियरो
आपुच्छामि जहा मेहो महेलियावज्जं जाव वड्ढियकुले ।
Jain Education International
For Private & Personal Use Only
www.jainelibrary.org
