________________
अंतगडदसाओ
परिणयमेत्ते जोव्वणग ° मणुप्पत्ते अरहनो अरि?णेमिस्स अंतियं मुंडे' भवित्ता अगारामो अणगारियं पव्वइस्सइ-कण्हं वासुदेवं दोच्चं पि तच्चं पि एवं
वदइ, वदित्ता जामेव दिसं पाउब्भूए तामेव दिसं पडिगए। कण्हेण देवईए पासासण-पदं ५१. तए णं से कण्हे वासुदेवे पोसहसालारो पडिणिवत्तइ, पडिणिवत्तित्ता जेणेव
देवई देवी तेणेव उवागच्छइ, उवागच्छित्ता देवईए देवीए पायग्गहणं करेइ, करेत्ता एवं वयासी-होहिइ णं अम्मो ! मम सहोदरे कणीयसे भाउए त्ति कटु देवइं देवि ताहिं इट्टाहिं कताई पियाहिं मण्णुणाहिं मणामाहिं वग्गूहिं
प्रासासेइ, पासासेत्ता जामेव दिसं पाउब्भूए तामेव दिसं पडिगए । गयसुकुमालस्स जम्म-पदं ५२. तए णं सा देवई देवी अण्णया कयाइं तंसि तारिसगंसि वासघरंसि जाव' सीहं
सुमिणे पासित्ता पडिबुद्धा जाव गब्भं परिवहइ ।। ५३. तए णं सा देवई देवी नवण्हं मासाणं जासुमण-रत्तबंधुजीवय-लक्खारस
सरसपारिजातक-तरुणदिवायर-समप्पभं सव्वणयणकंत-सुकुमालपाणिपायं जाव सूरूव गयतालुसमाण दारय पयाया। जम्मण जहा महकुमार जाव जम्हा णं अम्हं इमे दारए गयतालुसमाणे, तं होउ णं अम्हं एयस्स दारगस्स नामधेज्जे
गयसुकुमाले ॥ ५४. तए णं तस्स दारगस्स अम्मापियरो नामं कयं-गयसुकुमालो त्ति । सेसं जहा
__ मेहे जाव" अलंभोगसमत्थे जाए यावि होत्था । सोमिलध्याए कण्णतेउर-पक्खेव-पदं ५५. तत्थ णं बारवईए नयरीए सोमिले नाम माहणे परिवसइ-अड्ढे । रिउव्वेय
जाव" बंभण्णएसु य सत्थेसु सुपरिणिट्ठिए यावि होत्था ॥ ५६. तस्स सोमिल-माहणस्स सोमसिरी नाम माहणी होत्था-सूमालपाणिपाया ।। ५७. तस्स णं सोमिलस्स धूया सोमसिरीए माहणीए अत्तया सोमा नाम दारिया
१. सं० पा०--मुंडे जाव पव्वइस्सइ । २. देवती (क, ख)। ३. जावपाढया (क)। भ० ११११३३ । ४. भ० ११११३३-१४५ । ५. सूमालं (वृ)। ६. ओ० सू० १४३ ।
७. ना० ११११७४-८१। ८. गयतालुय ° (क)। ६. गयसुकुमाले, गयसुकुमाले (क, ख)। १०. ना० ११११८२-८८ । ११. ओ० सू०६७।
Jain Education International
For Private & Personal Use Only
www.jainelibrary.org
