________________
दसम अझयणं (लेइयापिता)
६. तरस णं लेतियापियरस गाहावइरस फागुणी नामं भारिया होत्था- अहीण
__पडिपुण्ण-पंचिदियसरीरा जाव' माणुस्सए कामभोए पच्चणुभवमाणी विहरइ ।। महावीर-समवसरण-पदं
७. तेणं कालेणं तेणं समएणं सामी समोसढे । ८. परिसा निग्गया ॥ ६. कूणिए राया जहा, तहा जियसत्तू निग्गच्छइ जाव' पज्जुवासइ ।। १०. तए णं से लेतियापिता गाहावई इमीसे कहाए लट्ठ समाणे-“एवं खलु समणे
भगवं महावीरे पुव्वाणुपुवि चरमाणे गामाणुगाम दूइज्जमाणे इहमागए इह संपत्ते इह समोसढे इहेव सावत्थीए नयरीए बहिया कोट्ठए चेइए अहापडिरूवं प्रोग्गहं प्रोगिण्हित्ता संजमेणं तवसा अप्पाणं भावेमाणे विहरइ।” त महप्फलं खलु भो ! देवाणुप्पिया ! तहारूवाणं अरहंताणं भगवंताणं णामगोयस्स वि सवणयाए, किंमग पुण अभिगमण-वंदण-णमंसण-पडिपुच्छणपज्जूवासणयाए ? एगस्स वि पारियस्स धम्मियस्स सुवयणस्स सवणयाए, किमंग पण विउलस्स अट्ठस्स गहणयाए ? तं गच्छामि णं देवाणुप्पिया ! समणं भगवं महावीरं वदामि णमंसामि सक्काराम सम्माणाम कल्लाण मंगल देवयं चेइयं पज्जुवासामि-एवं संपेहेइ, संपेहेत्ता हाए कयबलिकम्मे कय-कोउयमंगल-पायच्छित्ते सुद्धप्पावेसाइं मंगल्लाई वत्थाई पवर परिहिए अप्पमहग्याभरणालंकियसरीरे सयानो गिहारो पडिणिक्खमइ, पडिणिक्खमित्ता सकोरेंटमल्लदामेणं छत्तेणं धरिज्जमाणेणं मणुस्सवग्गुरापरिखित्ते पादविहारचारेणं सावत्थि नरिं मझमझेणं निग्गच्छइ,निग्गच्छिता जेणामेव कोट्टए चेइए, जेणेव समणे भगवं महावीरे, तेणेव उवागच्छइ, उवागच्छित्ता समणं भगवं महावीर तिक्खुत्तो आयाहिण-पयाहिणं करेइ, करेत्ता वंदइ णमंसइ, वंदित्ता णमंसित्ता णच्चासण्णे णाइदूरे सुस्सूसमाणे णमंसमाणे अभिमुहे विणएणं पंजलिउडे
पज्जुवासइ॥ ११. तए णं समणे भगवं महावीरे लेतियापियस्स गाहावइस्स तीसे य महइमहालि
__याए परिसाए जाव' धम्म परिकहेइ ।। १२. परिसा पडिगया, राया य गए । लेतियापियस्स गिहिधम्म-पडिवत्ति-पदं २३. तए णं से लेतियापिया गाहावई समणस्स भगवो महावीरस्स अंतिए धम्म - सोच्चा निसम्म हट्टतुट्ठ-चित्तमाणदिए पीइमणे परमसोमणस्सिए हरिसवस
३. ओ० सू०७१-७७ ।
१. उवा० १११४ । २. ओ० सू० ५३.६६ ।
Jain Education International
For Private & Personal Use Only
www.jainelibrary.org
