________________
नवमं अज्झयणं (नंदिणीपिया)
५२६
निसम्म हट्टतुट्ठ-चित्तमाणदिए पोइमणे परमसोमणस्सिए हरिसवस-विसप्पमाणहियए उट्ठाए उद्वेइ, उद्वेता समगं भगवं महावीरं तिक्खु त्तो आयाहिणपयाहिणं करेइ, करेत्ता वंदइ णमंसइ, वंदित्ता णमंसित्ता एवं वयासी-सद्दहामि णं भंते ! निगंथं पावयणं, पत्तियामि णं भंते ! निग्गंथं पावयणं, रोएमि णं भंते ! निग्गंथं पावयणं, अब्भटेमि णं भंते ! निग्गंथं पावयणं । एवमेयं भंते ! तहमेयं भंते ! अवितहमेयं भंते ! असंदिद्धमेयं भंते ! इच्छियमेयं भंते ! पडिच्छियमेयं भते ! इच्छिप-पडिच्छि घमेयं भंते ! से जहेयं तब्भे वदह । जहा णं देवाणुप्पियाणं अंतिए बहवे राईसर-तलवर-माडंबिय-कोडुबिय-इब्भसेट्ठि-सेणावइ-सत्थवाहप्पभिइया मुंडा भवित्ता अगाराग्रो अणगारियं पव्वइया, नो खलु अहं तहा संचाएमि मुंडे भवित्ता अगाराप्रो अणगारियं पव्वइत्तए। अहं णं देवाणप्पियाणं अंतिए पंचाणुव्वइयं सत्तसिक्खावइयं-दुवालसविहं सावगधम्म पडिवज्जिस्सामि।
अहासुहं देवाणु प्पिया ! मा पडिबंधं करेहि ॥ १४. तए णं से नंदिणीपिया गाहावई समणस्स भगवनो महावीरस्स अंतिए' सावय
धम्म पडिवज्जइ॥ भगवनो जणवयविहार-पदं १५. तए णं समणे भगवं महावीरे अण्णदा कदाइ सावत्थीए नयरीए कोट्ठयानो
चेइयाओ पडिणिक्खमइ, पडिणिक्खमित्ता बहिया जणवयविहारं विहरइ ।। नंदिणीपियस्स समणोवासगचरिया-पदं १६. तए णं से नंदिणीपिया समणोवासए जाए'... अभिगयजीवाजीवे जाव'
समणे निग्गंथे फासु-एसणिज्जेणं असण-पाण-खाइम-साइमेणं वत्थ-पडिग्गहकंबल-पायपुंछणेणं अोसह-भेसज्जेणं पाडिहारिएण य पीढ-फलग-सेज्जा
संथारएणं पडिलाभेमाणे विहरइ ।। अस्सिणीए समणोवासिय-चरिया-पदं १७. तए णं सा अस्सिणी भारिया समणोवासिया जाया-अभिगयजीवाजीवा जाव'
समणे निग्गंथे फासु-एसणिज्जेणं असण-पाण-खाइम-साइमेणं वत्थ-पडिग्गहकंबल-पायपुंछणणं प्रोसह-भेसज्जेणं पाडिहारिएण य पीढ-फलग-सेज्जासंथारएणं पडिलाभेमाणी विहरइ ।।
१. पू०-उवा० ११२४-५३ । २. सं० पा०-जाए जाव विहरइ ।
३. उवा० ११५५। ४. उवा० ११५६ ।
Jain Education International
For Private & Personal Use Only
www.jainelibrary.org
