________________
४६२
उवासगदसाओ
सद्दालपुत्तस्स संकप्प-पदं ११. तए णं तस्स सद्दालपुत्तस्स आजीवियोवासगस्स तेणं देवेणं एवं वुत्तस्स समाणस्स
इमेयारूवे अज्झत्थिए चितिए पत्थिए मणोगए संकप्पे समुप्पण्णे - एवं खलु ममं धम्मायरिए धम्मोवएसए गोसाले मंखलिपुत्ते-से णं महामाहणे उप्पण्णणाणदसणधरे •तीयप्पडुपण्णाणागयजाणए अरहा जिणे केवली सव्वण्णू सव्वदरिसी तेलोक्कचहिय-महिय-पूइए सदेवमणुयासुरस्स लोगस्स अच्चणिज्जे पूयणिज्जे वंदणिज्जे णमंसणिज्जे सक्कारणिज्जे सम्माणणिज्जे कल्लाण मंगलं देवयं चेइयं पज्जवासणिज्जे तच्च-कम्मसंपया-संप उत्ते. से ण कल्लं इह हव्वमागच्छिस्सति । तए ण तं अहं वंदिस्सामि' •णमंसिस्सामि सक्कारेस्सामि सम्माणेस्सामि कल्लाणं मंगल देवय चेइयं° पज्जुवासिस्सामि पाडिहारिएण' •पीढ-फलग-सेज्जा-संथारएणं ° उवनिमंतिस्सामि ।।
महावीर-समवसरण-पदं १२. तए णं कल्लं पाउप्पभायाए रयणीए फुल्लुप्पलकमलकोमलुम्मिलियंमि अह
पंडुरे पहाए रत्तासोगप्पगास-किसुय-सुयमुह-गुंजद्धरागसरिसे कमलागरसंडबोहए उट्रियम्मि सूरे सहस्स रस्सिम्मि दिणयरे तेयसा° जलते समणे भगवं महावीरे' जाव जेणेव पोलासपरे नयरे जेणेव सहस्संबवणे उज्जाणे तेणेव उवागच्छड उवागच्छित्ता प्रहापडिरूवं प्रोग्गहं योगिण्डित्ता संजमेणं तवसा अप्पाण
भावेमाणे विहरइ ॥ १३. परिसा निग्गया । १४. कूणिए राया जहा, तहा जियसत्तू निग्गच्छइ जाव पज्जुवासइ ।। १५. तए णं से सद्दालपुत्ते आजीवियोवासए इमीसे कहाए लट्ठ समाणे - "एवं खलु
समणे भगवं महावीरे पुव्वाणुपुवि चरमाणे गामाणुगामं दूइज्जमाणे इहमागए इह संपत्ते इह समोसढे इहेव पोलासपुरस्स नयरस्स बहिया सहस्संबवणे उज्जाणे अहापडिरूवं प्रोग्गह अोगिण्हित्ता संजमेणं तवसा अप्पाणं भावेमाणे ॰ विहरइ।" तं गच्छामि णं समणं भगवं महावीरं वदामि •णमंसामि सक्कारेमि सम्माणेमि
१. सं० पा०-उप्पण्णणाणदंसणधरे जाव तच्च- ४. सं० पा०-कल्लं जाव जलंते । कम्मसंपया।
५. सं० पा०-महावीरे जाव समोसरिए । २. सं० पा०--वदिस्सामि जाव पज्जुवासि. ६. ओ० सू० १६, २२ । स्सामि।
७. सं० पा०--जाव पज्जुवासइ । ३. सं० पा०--पाडिहारिएणं जाव उवनिमंति- ८. ओ० सू० ५३-६६ । स्सामि।
६. सं० पा०-महावीरे जाव विहरइ । १०. सं० पा०-वंदामि जाव पज्जुवासामि।
Jain Education International
For Private & Personal Use Only
www.jainelibrary.org
