________________
४६८
उवासगदसाओ
पडिपुण्ण-पंचिदियसरीरा जाव' माणुस्सए कामभोए पच्चणुभवमाणी
विहरइ ॥ महावीर-समवसरण-पदं ७. तेणं कालेणं तेणं समएणं समणे भगवं महावीरे जाव' जेणेव आलभिया
नयरी जेणेव संखवणे उज्जाणे तेणेव उवागच्छइ, उवागच्छित्ता प्रहापडिरूवं
प्रोग्गहं ओगिण्डित्ता संजमेणं तवसा अप्पाणं भावेमाणे विहरइ ।। ८. परिसा निग्गया । ६. कुणिए राया जहा, तहा जियसत्तू निग्गच्छइ जाव पज्जुवासइ ।। १०. तए णं से चुल्लसयए गाहावई इमीसे कहाए लढे समाणे- “एवं खलु समणे
भगवं महावीरे पुवाणुपुद्वि चरमाणे गामाणुगामं दूइज्जमाणे इहमागए इह संपत्ते इह समोसढे इहेव आलभियाए नयरीए बहिया संखवणे उज्जाणे अहापडिरूवं प्रोग्गहं प्रोगिण्हित्ता संजमेणं तवसा अप्पाणं भावेमाणे विहरइ।" तं महप्फलं खलु भो ! देवाणुप्पिया ! तहारूवाणं अरहताणं भगवंताणं णामगोयस्स वि सवणयाए, किंमग पुण अभिगमण-वंदण-णमंसण-पडिपुच्छणपज्जुवासणयाए ? एगस्स वि आरियस्स धम्मियस्स सुवयणस्स सवणयाए, किमंग पुण विउलस्स अट्ठस्स गहणयाए ? तं गच्छामि णं देवाणप्पिया ! समण भगवं महावीरं वदामि णमंसामि सक्कारेमि सम्माण मि कल्लाणं मंगलं देवयं चेइयं पज्जुवासामि-एवं संपेहेइ, सपेहेत्ता हाए कयबलिकम्मे कयकोउय-मंगल-पायच्छित्ते सुद्धप्पावेसाई मंगल्लाइं वत्थाई पवर परिहिए अप्पमहग्घाभरणालंकियसरीरे सयानो गिहाओ पडिणिक्खमइ, पडिणिक्खमित्ता सकोरेंटमल्लदामेणं छत्तेणं धरिज्जमाणेणं मणुस्सवग्गुरापरिखित्ते पादविहारचारेणं पालभियं नयरिं मझमझेणं निग्गच्छइ, निग्गच्छित्ता जेणामेव संखवणे उज्जाणे, जेणेव समणे भगवं महावीरे तेणेव उवागच्छइ, उवागच्छित्ता समणं भगवं महावीरं तिक्खुत्तो आयाहिण-पयाहिणं करेइ, करेत्ता वंदइ णमंसइ, वंदित्ता णमंसित्ता णच्चासण्णे णाइदूरे सुस्सूसमाणे णमसमाणे अभिमुहे विणएणं
पंजलिउडे पज्जुवासइ ॥ ११. तए णं समणे भगवं महावीरे चुल्लसययस्स गाहावइस्स तोसे य महइमहालि
याए परिसाए जाव' धम्म परिकहेइ । १२. परिसा पडिगया, राया य गए। १. उवा० २।२४।
३. ओ० सू० १६, २२ । २. सं० पा०—सामी समोसढे जहा आणंदो तहा ४. ओ० सू० ५३-६६ । गिहिधम्म पडिवज्जइ। सेसं जहा कामदेवो ५. ओ० सू० ७१-७७ । जाव धम्मपण्णत्ति ।
Jain Education International
For Private & Personal Use Only
www.jainelibrary.org
