________________
४२८
उवासगदसाओ
सणियं पच्चोसवकइ, पच्चीसविकत्ता पोसहसालारो पडिणिवखमइ, पडिणिक्खमित्ता दिव्वं पिसायरूवं विप्पजहइ', विप्पजहित्ता एगं महं दिव्वं हत्थिरूवं विउव्वइ-सत्तंगपइट्ठियं सम्म संठियं सुजातं पुरतो' उदग्गं पिटुतो वराह' अयाच्छि अलंबकुच्छि पलंब-लंबोदराधरकर अब्भुग्गय-मउल-मल्लियाविमल-धवलदंतं कंचणकोसी-पविट्रदंतं आणामिय'-चाव-ललिय-संवेल्लियग्गसोंडं कुम्म-पडिपुण्ण चलणं वीसतिनखं अल्लीण-पमाणजुत्तपुच्छं मत्तं मेहमिव गुलगलेतं मण-पवण-जइणवेग-- दिव्वं हत्थिरूवं विउव्वित्ता जेणेव पोसहसाला, जेणेव कामदेवे समणोवासए, तेणेव उवागच्छइ, उवागच्छित्ता कामदेवं समणोवासयं एवं वयासी-हंभो! कामदेवा! समणोवासया !
अप्पत्थियपत्थिया ! दुरंत-पंत-लक्खणा ! हीणपुण्णचाउद्दसिया ! सिरि-हिरिधिइ-कित्ति-परिवज्जिया ! धम्मकामया ! पुण्णकामया ! सग्गकामया ! मोक्खकामया! धम्मकंखिया ! पुण्णकंखिया ! सग्गकंखिया ! मोवखकखिया ! धम्मपिवासिया ! पुण्णपिवासिया ! सग्गपिवासिया ! मोक्खपिवासिया ! नो खल कप्पइ तव देवाणुप्पिया ! सीलाई वयाइं वेरमणाई पच्चक्खाणाई पोसहोववासाइं चालित्तए वा खोभित्तए वा खंडित्तए वा भंजित्तए वा उज्झित्तए वा परिच्चइत्तए वा, तं जइ णं तुमं अज्ज सीलाई वयाई वेरमणाई पच्चक्खाणाई पोसहोववासाइं न छड्डेसि ° न भंजेसि, तो तं 'अहं अज्ज''० सोडाए गेण्हामि, गेण्हित्ता पोसहसालानो नीणेमि, नीणेत्ता उड्ढे वेहासं उव्विहामि, उव्विहित्ता तिक्खेहि दंतमुसलेहि पडिच्छामि, पडिच्छित्ता अहे धरणितलंसि तिक्खुत्तो पाएसु लोलेमि, जहा णं तुम देवाणुप्पिया ! अट्ट-दुहट्ट-वसट्टे
अकाले चेव जीवियानो ववरोविज्जसि ॥ २१. तए णं से कामदेवे समणोवासए तेणं दिव्वेणं हत्थिरूवेणं एवं वृत्ते समाणे
अभीए प्रतत्थे अणुविग्गे अखुभिए अचलिए असंभंते तुसिणीए धम्मज्झाणो
वगए° विहरइ ।। ३०. तए णं से दिव्वे हत्थिरूवे कामदेवं समणोवासयं अभीयं२ 'अतत्थं अणुव्विग्गं
१. विप्पहयंति (क) सर्वत्र; विप्पयहती (ग) ७. गुलगुलेंतं (घ) सर्वत्र।
८. सं० पा०-समणोवासया तहेव भणइ जाव २. पुरओ (क)।
न भंजेसि । ३. वसहं (ग)।
६. x (क,ख,ग,घ)। ४. x (क,ग); अइया (अजिया) कुच्छी १०. अज्ज अहं (क,ख,ग,घ)। (ना० १११११५६)।
११. सं० पा०--अभीए जाव विहरइ । ५. अणोमिय (क)।
१२. सं० पा०-अभीयं जाव विहरमाणं । ६. ° नक्खं (ग)।
Jain Education International
For Private & Personal Use Only
www.jainelibrary.org
