________________
४२२
उवासगदसायो
६. तस्स णं कामदेवस्स गाहावइस्स भद्दा नाम भारिया होत्था- अहीण-पडिपुण्ण
__ पंचिदियसरीरा जाव' माणुस्सए कामभोए पच्चणुभवमाणी विहरइ° ।। महावीर-समवसरण-पदं ७. २०तेणं कालेणं तेणं समएणं समणे भगवं महावीरे जाव' जेणेव चंपा नयरी,
जेणेव पुण्णभद्दे चेइए, तेणेव उवागच्छइ, उवागच्छित्ता अहापडिरूवं ओग्गहं
ओगिण्हित्ता संजमेणं तवसा अप्पाणं भावेमाणे विहरइ ।। ८. परिसा निग्गया ॥ ६. कूणिए राया जहा, तहा जियसत्तू निग्गच्छइ जाव पज्जुवासइ॥ १०. तए णं से कामदेवे गाहावई इमीसे कहाए लट्ठ समाणे-“एवं खलु समणे
भगवं महावीरे पुव्वाणुपुवि चरमाणे गामाणुगामं दूइज्जमाणे इहमागए इह संपत्ते इह समोसढे इहेव चंपाए नयरीए बहिया पुण्णभद्दे चेइए अहापडिरूवं प्रोग्गहं ओगिण्हित्ता संजमेणं तवसा अप्पाणं भावेमाणे विहरइ।" तं महप्फलं खल भो! देवाणप्पिया! तहारूवाणं अरहंताणं भगवंताणं णामगोयस्स वि सवणयाए, किमंग पुण अभिगमण-वंदण-णमंसण-पडिपुच्छणपज्जुवासणयाए ? एगस्स वि आरियस्स धम्मियस्स सुवयणस्स सवणयाए, किमंग पुण विउलस्स अट्ठस्स गहणयाए ? तं गच्छामि णं देवाणु प्पिया ! समणं भगवं महावीरं वदामि णमंसामि सक्कारेमि सम्माणेमि कल्लाणं मंगलं देवयं चेइयं पज्जुवासामि-एवं संपेहेइ, संपेहेत्ता हाए कयबलिकम्मे कय-कोउय-मंगलपायच्छित्ते सुद्धप्पावेसाइं मंगल्लाइं वत्थाई पवर परिहिए अप्पमहग्घाभरणालंकियसरीरे सयानो गिहारो पडिणिक्खमइ, पडिणिक्खमित्ता सकोरेंटमल्लदामेणं छत्तेणं धरिज्जमाणेणं मणुस्सवग्गुरापरिखित्ते पादविहारचारेणं चंपं नयरि मज्झमझेणं निग्गच्छइ, निग्गच्छित्ता जेणामेव पुण्णभद्दे चेइए, जेणेव समणे भगवं महावीरे, तेणेव उवागच्छइ, उवागच्छित्ता समणं भगवं महावीर तिक्खुत्तो आयाहिण-पयाहिणं करेइ, करेत्ता वंदइ णमंसइ, वदित्ता णमंसित्ता णच्चासण्णे णाइदूरे सुस्सूसमाणे णमंसमाणे अभिमुहे विणएणं पंजलिउडे
पज्जुवासइ॥ ११. तए णं समणे भगवं महावीरे कामदेवस्स गाहावइस्स तीसे य महइमहालियाए
परिसाए जाव' धम्म परिकहेइ । १२. परिसा पडिगया, राया य गए॥
१. उवा० १।१४ । २. सं० पा०--समोसरणं जहा आणंदो तहा निग्गयो। तहेव सावयधम्म पडिवज्जइ। सा चेव वत्तव्वया जाव जेट्ठपुत्तं ।
३. ओ० सू० १६,२२ । ४. ओ० सू० ५३-६६ । ५. ओ० सू०७१-७७ ।
Jain Education International
For Private & Personal Use Only
www.jainelibrary.org
