________________
४२०
उवासगदसाओ
विउट्ट इ विसोहइ प्रकरणयाए अब्भुट्ठइ अहारिहं पायच्छित्तं तवोकम्मं °
पडिवज्जइ, आणंदं च समणोवासयं एयमढें खामेइ ॥ भगवनो जणवयविहार-पदं ८३. तए णं समणे भगवं महावीरे अण्णदा कदाइ बहिया जणवयविहार' विहरइ ।। आणंदस्स समाहिमरण-पदं ८४. तए णं से आणंदे समणोवासए बहूहिं सील-व्वय-गुण-वेरमण-पच्चक्खाण
पोसहोववासेहि अप्पाणं भावेत्ता, वीसं वासाइं समणोवासगपरियागं पाउणित्ता, एक्कारस य उवासगपडिमानो सम्म काएणं फासित्ता, मासियाए संलेहणाए अत्ताणं' असित्ता, सर्द्धि भत्ताई' अणसणाए छेदेत्ता, आलोइय-पडिक्कते, समाहिपत्ते, कालमासे कालं किच्चा, सोहम्मे कप्पे सोहम्मवडेंसगस्स महाविमाणस्स उत्तरपुरथिमे णं 'अरुणाभे विमाणे" देवत्ताए उववण्णे। तत्थ णं अत्थेगइयाणं देवाणं चत्तारि पलिग्रोवमाइं ठिई पण्णत्ता। तत्थ णं पाणंदस्स
वि देवस्स चत्तारि पलिग्रोवमाइं ठिई पण्णत्ता। ८५. आणंदे णं भंते ! देवे ताओ" देवलोगारो आउक्खएणं भवक्खएणं ठिइक्खएणं
अणंतरं चयं चइत्ता कहिं गच्छिहिइ ? कहिं उववज्जिहिइ ? गोयमा ! महाविदेहे वासे सिज्झिहिइ बुज्झिहिइ मुच्चिहिइ सव्वदुक्खाणमंतं
काहिइ॥ निक्खेव-पदं ८६. "एवं खलु जंबू ! समणेणं भगवया महावीरेणं उवासगदसाणं पढमस्स
अज्झयणस्स अयम? पण्णत्ते ° ॥
१. जणवतं विहारं (घ)। २. अप्पाणं (ग)। ३. भत्ताति (क, ग)। ४. वडिंसगस्स (घ)। ५. अरुणे विमाणे (क);अरुणेहिं विमाणेहिं (ख) ।
६. तत्थ णं आणंदे (क)। ७. ततो (ख)। ८. देवलोगलोगाओ (क)। ६. सं० पा--निक्लेवो पढमस्स ।
Jain Education International
For Private & Personal Use Only
www.jainelibrary.org
