________________
४१४
उवासगदसाओ
समयंसि ° धम्मजागरियं जागरमाणस्स अयं अज्झथिए चितिए पत्थिए मणोगए संकप्पे समुप्पज्जित्था-एवं खलु अहं इमेणं' 'एयारूवेणं अोरालेणं विउलेणं पयत्तेणं पग्गहिएणं तवोकम्मेणं सुक्के लुक्खे निम्मंसे अट्ठिचम्मावणद्ध किडिकिडियाभूए किसे ° धम्मणिसंतए जाए। तं अत्थि ता' मे उहाणे कम्मे बले वीरिए पुरिसक्कार-परक्कमे सद्धा-धिइ-संवेगे, तं जावता मे अत्थि उट्ठाणे कम्मे बले वीरिए पुरिसक्कार-परक्कमे सद्धा-धिइ-संवेगे, जाव ‘य मे धम्मायरिए धम्मोवएसए समणे भगवं महावीरे जिणे सुहत्थी विहरइ, तावता मे सेयं कल्लं पाउप्पभायाए रयणीए जाव' उट्ठियम्मि सूरे सहस्सरस्सिम्मि दिणयरे तेयसा-जलते अपच्छिममारणंतियसलेहणा-असणा-झुसियस्स भत्तपाणपडियाइक्खियस्स, कालं अणवकखमाणस्स विहरित्तए - एवं संपेहेइ, संपेहेत्ता कल्लं पाउप्पभायाए रयणीए जाव उट्ठियम्मि सूरे सहस्सरस्सिम्मि दिणयरे तेयसा जलते अपच्छिममारणंतिय संलेहणा-झूसणा-झूसिए भत्तपाण-पडियाइक्खिए°
कालं अणवकंखमाणे विहरइ ॥ आणंदस्स प्रोहिनाणुप्पत्ति-पदं ६६. तए णं तस्स पाणंदस्स समणोवासगस्स अण्णदा कदाइ सुभेणं अज्झवसाणेणं,
सुभेणं परिणामेणं, लेसाहिं विसुज्झमाणीहि, तदावरणिज्जाणं कम्माणं खग्रोवसमेणं अोहिणाणे समुप्पण्णे--पुरथिमे णं लवणसमुद्दे पंचजोयणसयाई खेत्तं जाणइ पासइ । १० दक्खिणे णं लवणसमुद्दे पंचजोयणसयाई खेत्तं जाणइ पासइ । पच्चत्थिमे णं लवणसमुद्दे पंचजोयणसयाई खेत्त जाणइ पासइ ° । उत्तरे णं जाव चुल्लहिमवंतं वासधरपव्वयं जाणइ पासइ। उड्ढं जाव सोहम्मं कप्पं जाणइ पासइ । अहे जाव इमीसे रयणप्पभाए पुढवीए लोलुयच्चुतं" नरयं
चउरासीतिवाससहस्सट्ठितियं जाणइ पासइ । गोयमस्स आगमण-पदं ६७. तेणं कालेणं तेणं समएणं समणे भगवं महावीरे समोसरिए । ६८. परिसा निग्गया जाव' पडिगया ।।
१. सं० पा०-इमेण जाव धम्मणिसंतए। २. जा (ग)। ३. सयमेव (क)। ४. णो (क)। ५. उवा० ११५७ । ६. सं० पा०-मारणतिय जाव कालं ।
७. सुहेणं (क); सोभणेणं (ग)। ८. ° समुद्दे ण (क)। ६. ° सतियं (क, ख); ° सइयं (ग)। १०, सं० पा०-एवं दक्खिणे णं पच्चत्थिमे णं च । ११. लोलुयं अच्चुतं (ख)। १२. ओ० सू० ५२,७८-८० ।
Jain Education International
For Private & Personal Use Only
www.jainelibrary.org
