________________
४०२
उवासगदसाओ
'उदगस्स घडेहि", अवसेसं सव्वं मज्जणविहिं पच्चक्खाइ। (७) तयाणंतरं च णं वत्थविहिपरिमाणं करेइ-'नन्नत्थ एगेणं' 'खोमजुयलेणं,
अवसेसं सव्वं वत्थविहिं पच्चक्खाइ। (८) तयाणंतरं च णं बिलेवणविहिपरिमाणं करेइ -नन्नत्थ अगरु'-कुंकुम
चंदणमादिएहि', अवसेसं सव्वं विलेवणविहिं पच्चक्खाइ । (8) तयाणंतरं च णं पुप्फविहिपरिमाणं करेइ-नन्नत्थ एगेणं सुद्धपउमेणं
मालइकुसुमदामेण वा, अवसेसं सव्वं पुप्फविहिं पच्चक्खाइ । (१०) तयाणंतरं च णं आभरणविहिपरिमाणं करेइनन्नत्थ मट्टकण्णेज्जएहि
नाममुद्दाए य, अवसेसं सव्वं आभरणविहि पच्चक्खाइ। (११) तयाणंतरं च णं धूवणविहिपरिमाणं करेइ--नन्नत्थ अगरु-तुरुक्क-धूवमा
दिएहि, अवसेस सव्वं धूवणविहिं पच्चक्खाइ। (१२) तयाणंतरं च णं भोयणविहिपरिमाणं करेमाणे(क) पेज्ज-विहिपरिमाणं करेइ-नन्नत्थ एगाए कट्टपेज्जाए, अवसेसं
सव्वं पेज्जविहिं पच्चक्खाइ। (ख) तयाणंतरं च णं भक्खविहिपरिमाणं करेइनन्नत्थ एगेहि
घयपुण्णेहि खंडखज्जएहि वा, अवसेसं सव्वं भक्खविहि
पच्चक्खाइ। (ग) तयाणंतरं च णं प्रोदणविहिपरिमाणं करेइनन्नत्थ कलमसालि
मोदणेणं, अवसेसं सव्वं प्रोदणविहि पच्चक्खाइ। (घ) तयाणंतरं च सूवविहिपरिमाणं करेइ.-नन्नत्थ कलायसूवेण" वा
'मुग्गसूवेण वा माससूवेण" वा अवसेसं सव्वं सूवविहिं पच्चक्खाइ। (ङ) तयाणंतरं च णं घयविहिपरिमाणं करेइ-नन्नत्थ सारदिएणं गोघय
मंडेणं, अवसेस सव्वं घयविहिं पच्चक्खाइ। (च) तयाणतरं च णं सागविहिपरिमाणं करेइ-नन्नत्थ वत्थुसाएण वा
तुंबसाएण वा सुत्थियसाएण" वा मंडुक्कियसाएण वा, अवसेसं सव्वं सागविहिं पच्चक्खाइ ॥
१. उदगघडेहि (क)। २. नन्नत्थेकेणं (क,ग)। ३. अगुरु (क,घ)। ४. ° मातितेहिं (क); माइतेहिं (घ)। ५. मालई ° (घ)। ६. अगुरु (क, घ)। ७. भक्खण ° (ख)।
८. भक्खण ° (क,ख)। ६. सूय ° (क,ग,घ)। १०. कालाय ° (क)। ११. मुग्गमाससूवेण (क)। १२. वुसातेण (क); वत्थुसातेण (ग); चुच्चुसाएण
१३. सुत्थिया ° (ग); सूवत्थिय ° (घ)।
Jain Education International
For Private & Personal Use Only
www.jainelibrary.org
