________________
उवासगदसााओ
पुण्णभद्दे चेइए अहापडिरूवं प्रोग्गहं प्रोगिण्हइ, अोगिण्हित्ता संजमेणं तवसा अप्पाणं भावेमाणे विहरइ॥ तेणं कालेणं तेणं समएणं अज्जसुहम्मस्स थेरस्स जे? अंतेवासी अज्जजंबू नामं अणगारे कासव' गोत्तेणं सत्तुस्सेहे समचउरंससंठाणसंठिए वइररिसहणारायसंघयणे कणगपलगनिघसपम्हगोरे उग्गतवे दित्ततवे तत्ततवे महातवे अोराले घोरे घोरगुणे घोरतवस्सी घोरबंभचेरवासी उच्छृढसरीरे संखित्तविउलतेयलेस्से अज्जसुहम्मस्स थेरस्स अदूरसामंते उड्ढं जाणू अहोसिरे झाणकोट्टोवगए संजमेणं तवसा अप्पाणं भावेमाणे विहरइ ।। तए णं से अज्जजंबू नाम अणगारे जायसड्ढे जायसंसए जायकोऊहल्ले, उप्पण्णसड्ढे उप्पण्णसंसए उप्पण्णकोऊहल्ले, संजायसड्ढे संजायसंसए संजायकोऊहल्ले, समुप्पण्णसड्ढे समुप्पण्णसंसए समुप्पण्ण कोऊहल्ले उठाए उढेइ, उद्वेत्ता जेणेव अज्जसुहम्मे थेरे तेणेव उवागाछइ, उवागच्छित्ता अज्जसुहम्मं थेरं तिक्खुत्तो आयाहिण-पयाहिणं करेइ, करेत्ता वंदइ णमंसइ, वंदित्ता णमसित्ता णच्चासण्णे णाइदूरे सुस्सूसमाणे णमंसमाणे अभिमुहे विणएणं पंजलिउडे ° पज्जुवासमाण एवं वयासी-जइ णं भंते ! समणेणं भगवया महावीरेणं जाव' संपत्तेणं छट्ठस्स अंगस्स नायाधम्मकहाणं अयम? पण्णत्ते, सत्तमस्स णं भंते ! अंगस्स उवासगदसाणं समणेणं भगवया महावीरेणं जाव' संपत्तेणं के अट्टे
पण्णते? ६. एवं खलु जंबू ! समणेणं भगवया महावीरेणं जाव' संपत्तेणं सत्तमरस अंगस्स
उवासगदसाणं दस अज्झयणा पण्णत्ता, तं जहासंगहणी-गाहा
आणंदे कामदेवे य, गाहावतिचुलणीपिता। सुरादेवे चुल्लसयए, गाहावइकुंडकोलिए। सद्दालपुत्ते महासतए, नंदिणीपिया लेइयापिता ।१॥
१. व्या०वि०-विभक्तिरहितं पदम् । २. पज्जुवासइ (क)। ३. ना० १।१७। ४. संपाविउकामेणं (समावओ १।२)। ५,६. ना०१।१७। ७. लेतियापिया (क, ग); सालेइणीपिया (ख)।
उवासगदसाणं दस अज्झयणा पण्णत्ता, तं जहाआणंदे कामदेवे अ, गाहावतिचूलणीपिता।
सुरादेवे चुल्लसतए, गाहावतिकुंडकोलिए। सद्दालपुत्ते महासतए णदिणीपिया सालेइयापिता। (स्थानांग १०१११२)। स्थानांग सूत्रे दशमाध्ययनस्य नाम 'साले इयापिता' लभ्यते। अत्र एकस्यां प्रतौ 'सालेइणीपिया' नाम उपलब्धमस्ति, किन्तु 'सालइयापिता' नाम नोपलभ्यते। स्यादसौ वाचनाभेदः अथवा लिपिदोषेणासौ विपर्ययो जातः ; इति अनुसंधेयमस्ति।
Jain Education International
in International
For Private & Personal Use Only
www.jainelibrary.org
