________________
माओ
भगुणाया समाणी पासस्स रहओ अंतिए मुंडा भवित्ता अगाराश्रो श्रणगारियं पव्वइत्तए ।
हासुहं देवाप्पिए ! मा पडिबंध करेहि ||
२६. तए णं से काले गाहावई विउलं असण- पाणखाइम - साइमं उवक्खडावेइ, उवक्खडावेत्ता मित्त-नाइ नियग-सयण-संबंधि- परियणं आमंतेइ, ग्रामंतेत्ता तो पच्छा हाए जाव' विपुलेणं पुप्फ-वत्थ - गंध - मल्लालंकारेणं सक्कारेइ सम्माणेइ, सक्कारेत्ता सम्माणेत्ता तस्सेव मित्त-नाइ - नियग-सयण-संबंधिपरियणस्स पुर कालिं दारियं सेयापीएहिं कलसेहि व्हावेइ, व्हावेत्ता सव्वा लंकार - विभूसियं करेइ, करेत्ता पुरिससहस्सवाहिणि सीयं दुरूहेइ, दुखहेत्ता मित्तनाइ - नियग-सयण-संबंधि- परियणेणं सद्धि संपरिवुडे सव्विड्डीए जाव' दुंदुहिनिग्घोस-नाइयरवेणं ग्रामलकप्पं नयरिं मज्भंमज्भेणं निग्गच्छर, निग्गच्छित्ता जेणेव बसालवणे चेइए तेणेव उवागच्छइ, उवागच्छित्ता छत्ताईए तित्थगराइसए पासइ, पासित्ता सीयं ठवेइ, ठवेत्ता कालि दारियं सीयाम्रो पच्चोरुहेइ ॥ २७. तए णं तं कालि दारियं सम्मापियरो पुरनो काउं जेणेव पासे रहा पुरिसादाणीए तेणेव उवागच्छंति, उवागच्छित्ता वंदति नमसंति, वंदित्ता नमंसित्ता एवं वयासी – एवं खलु देवाणुप्पिया ! काली दारिया ग्रहं धूया इट्टा कंता जाव उंबरपुप्फं पिव दुल्लहा सवणयाए, किमंग पुण पासणयाए ? एस णं देवाणुप्पिया ! संसारभउव्विग्गा इच्छइ देवाणुप्पियाणं अंतिए मुंडा भवित्ता' •णं श्रगारा अणगारियं पव्वइत्तए । तं एयं णं देवाणुप्पियाणं सिस्सिणिभिक्खं दलयामो । पडिच्छंतु णं देवाणुप्पिया ! सिस्सिणिभिक्खं । हासुहं देवाणुप्पिया ! मा पडिबंध करेहि ॥
३७४
२८. तए णं सा काली कुमारी पासं ग्ररहं वंदइ नमसइ, वंदित्ता नमसित्ता उत्तरपुरत्थिमं दिसीभागं अवक्कमइ, अवक्कमित्ता सयमेव ग्राभरणमल्लालंकारं प्रमुयइ, श्रमुत्ता सयमेव लोयं करेइ, करेत्ता जेणेव पासे रहा पुरिसादाणीए तेणेव उवागच्छइ, उवागच्छित्ता पासं अरहं तिक्खुत्तो प्रायाहिण-पयाहिणं करेइ, करेत्ता वंदइ नमसइ, वदित्ता नमसित्ता एवं वयासी - लित्ते णं भंते ! लोए
१. ना० १।७।६ ।
२. ना० १।१।३३ ।
३. पच्चोरुहइ ( क, ख, ग, घ ) ।
४. ना० १।१।१४५ ।
५. सं० पा० - भवित्ता जाव पव्वइत्तए ।
६. 'लोए' अतोग्रे "एवं जहा देवाणंदा जाव”
०
Jain Education International
समर्पणवाक्यमस्ति
किन्तु भगवतीसूत्रे ( १५२) देवाणंदा प्रकरणे समर्पितः पाठः संक्षिप्तोस्ति, तेन एतद्वाक्यं पाठान्तररूपेण स्वीकृतमस्माभिः । अस्य पूर्तिस्थल निर्देश: प्रस्तुतसूत्रादेव कृतः ।
For Private & Personal Use Only
www.jainelibrary.org
