________________
३५८
नायाधम्मकहाऔ बलहेउं वा नो विसयहेउं वा सुसुमाए दारियाए मंससोणिए आहारिए, नन्नत्थ' एगाए रायगिह-संपावणट्टयाए । एवामेव समणाउसो ! जो अम्हं निग्गंथो वा निग्गंथी वा •आयरियउवज्झायाणं अंतिए मुंडे भवित्ता अगाराग्रो अणगारियं पव्वइए समाणे ° इमस्स पोरालियसरीरस्स वंतासवस्स पित्तासवस्स [खेलासवस्स ? ] सुक्कासवस्स सोणियासवस्स 'दुरुय-उस्सास-निस्सासस्स दुरुय-मुत्त-पुरीस-पूयबहुपडिपुण्णस्स उच्चार-पासवण-खेल-सिंघाणग-वंत-पित्त-सुक्क-सोणियसंभवस्स अधुवस्स अणितियस्स असासयस्स सडण-पडण-विद्धंसणधम्मस्स पच्छा पुरं च णं° अवस्सविप्पजहियव्वस्स नो वण्णहेउं वा नो रूवहेउं वा नो बलहे उं वा नो विसयहेउं वा पाहारं आहारेइ, नन्नत्थ एगाए सिद्धिगमण-संपावणट्टयाए, से णं इहभवे चेव बहूणं समणाणं बहूणं समणीणं बहूणं सावयाणं बहूणं सावियाण य अच्चणिज्जे जाव' चाउरंतं संसारकंतारं वीईवइस्सइ-जहा व से सपुत्ते धणे
सत्थवाहे ॥ ६२. एवं खलु जंवू ! समणेणं भगवया महावीरेणं जाव' संपत्तेणं अट्ठारसमस्स नायज्झयणस्स अयमढे पण्णत्ते ।
-त्ति बेमि ॥ वृत्तिकृता समुद्धृता निगमनगाथा
जह सो चिलाइपुत्तो सुंसुमगिद्धो अकज्ज-पडिबद्धो। धण-पारद्धो पत्तो, महाडवि वसण-सयकलियं ॥१॥ तह जीवो विसय-सुहे, लुद्धो काऊण पावकिरियानो। कम्मवसेणं पावइ, भवाडवीए महादुक्खं ॥२॥ धणसेट्ठी विव गुरुणो, पुत्ता इव साहवो भवो अडवी। सुयमंसमिवाहारो, रायगिहं इह सिवं नेयं ॥३॥ जह अडवि-नियर-नित्थरण-पावणत्थं तएहि सयमसं। भुत्तं तहेह साहू, गुरूण आणाइ अाहारं ।।४।। भव-लंघण-सिव-साहणहेउं भुंजंति ण गेहीए। वण्ण-बल-रूव-हेउं, च भावियप्पा महासत्ता ॥५॥
१. अण्णत्थ (ख, ग)। २. रायगिहं (क्व)। ३. सं० पा०-निग्गंथी वा ।
४. सं० पा०-सोणियासवस्स जाव अवस्स । ५. ना० ११२।७६ । ६. ना० १।१७ ।
Jain Education International
For Private & Personal Use Only
www.jainelibrary.org
