________________
अट्ठारसमं अज्झयणं
सुंसुमा उक्खेव-पदं १. जइ णं भंते ! समणेणं भगवया महावीरेणं जाव' संपत्तेणं सत्तरसमस्स
नायज्झयणस्स अयमद्वे पण्णत्ते, अट्ठारसमस्स णं भंते नायज्झयणस्स के अट्ठ
पण्णत्ते? २. एवं खलु जंबू ! तेणं कालेणं तेणं समएणं रायगिहे नामं नयरे होत्था-वण्णो ' । ३. तत्थ णं धणे नामं सत्थवाहे । भद्दा भारिया ॥ ४. तस्स णं धणस्स सत्थवाहस्स पुत्ता भद्दाए अत्तया पंच सत्थवाहदारगा होत्था,
तं जहा-धणे धणपाले धणदेवे धणगोवे धणरक्खिए । ५. तस्स णं धणस्स सत्थवाहस्स धूया भद्दाए अत्तया पंचण्हं पुत्ताणं अणुमग्गजाइया
सुंसुमा नाम दारिया होत्था-सूमालपाणिपाया ।। चिलाय-दासचेडस्स विग्गह-पदं ६. तस्स णं धणस्स सत्थवाहस्स चिलाए नामं दासचेडे होत्था-अहीणपंचिंदिय
सरीरे मंसोवचिए बालकीलावणकुसले यावि होत्था ।। ७. तए णं से दासचेडे सुसुमाए दारियाए बालग्गाहे जाए यावि होत्था, सुसुमं दारियं
कडीए गिण्हइ, गिण्हित्ता बहूहिं दारएहि य दारियाहि य डिभएहि य डिभियाहि
य कुमारएहि य कुमारियाहि य सद्धि अभिरममाणे-अभिरममाणे विहरइ । ८. तए णं से चिलाए दासचेडे तेसि बहूणं दारयाण य दारियाण य डिभयाण य
१. ना० १।१७। २. ओ० सू०१।
३. धणवाले (क, ख)। ४. होत्था समालपाणिपाया (ख, ग)।
३४७
Jain Education International
For Private & Personal Use Only
www.jainelibrary.org
