________________
सोलसमं अज्झयणं (अवरकका)
उवागच्छंति, उवागच्छित्ता सेत्तुज्ज पव्वयं सणियं-सणियं दुरुहंति', 'दुरुहित्ता
सेलेहणा-झूसणा-झोसिया ° कालं अणवकंखमाणा विहरंति ।। ३२४. तए णं ते जुहिट्ठिलपामोक्खा पंच अणगारा सामाइयमाइयाइ चोद्दसपुवाई
अहिज्जित्ता, बहूणि वासाणि सामण्णपरियागं पाउणित्ता, दोमासियाए संलेहणाए अत्ताणं झोसेत्ता जस्सट्ठाए की रइ नग्गभावे जाव' तमट्ठमाराहेति, पाराहेत्ता अणतं' केवलवरनाणदंसणं समुप्पाडेत्ता तओ पच्छा सिद्धा बुद्धा मुत्ता
अंतगडा परिनिव्वुडा सव्वदुक्खप्पहीणा ° ॥ दोवईए देवत्त-पदं ३२५. तए णं सा दोवई अज्जा सुव्वयाणं अज्जियाणं अंतिए सामाइयमाइयाई
एक्कारस अंगाइं अहिज्जित्ता बहूणि वासाणि सामण्णपरियागं पाउणित्ता मासियाए संलेहणाए [अत्ताणं झोसेत्ता ? ] आलोइय-पडिक्कता कालमासे कालं किच्चा बंभलोए उववण्णा । तत्थ णं अत्थेगइयाणं देवाणं दस सागरोवमाई
ठिई पण्णत्ता । तत्थ णं दुवयस्स वि देवस्स दससागरोवमाइं ठिई ।। ३२६. से णं भंते ! दुवए देवे तानो' 'देवलोगाप्रो पाउक्खएणं ठिइक्खएणं भवक्ख
एणं अणंतरं चयं चइत्ता जाव' महाविदेहे वासे सिज्झिहिइ बुज्झिहिइ मुच्चि
हिइ परिनिव्वाहिइ सव्वदुक्खाण मंतं काहिइ ।। निक्खेव-पदं ३२७. एवं खलु जंबू ! समणेणं भगवया महावीरेणं आइगरेणं तित्थगरेणं जाव" सिद्धिगइणामधेज्जं ठाणं संपत्तेणं सोलसमस्स नायज्झयणस्स अयमढे पण्णत्ते ।
--त्ति बेमि ।। वृत्तिकृता समुद्धृता निगमनगाथा
सुबह वि तव-किलेसो, नियाण-दोसेण दूसिओ संतो।
न सिवाय दोवईए, जह किल सूमालिया-जम्मे ॥१॥ अथवा
अमणुण्णमभत्तीए, पत्ते दाणं भवे अणत्थाय । जह कडुय-तुंब-दाणं, नागसिरि-भवम्मि दोवईए ।।२।।
१. सं० पा०-दुरुहंति जाव कालं । २. ओ० सू० १५४ । ३. सं० पा० -अणते णाणे समुप्पण्णे जाव
सिद्धा।
४. अहिज्जइ २ (क, ख, ग, घ)। ५. सं० पा०-ताओ जाव विदेहे वासे जाब अंतं ६. ना० १।१।२१२। ७. ना० ११७।
Jain Education International
For Private & Personal Use Only
www.jainelibrary.org
