________________
सोलसमं अज्झयणं (अवरकंका)
३३१ संदिसंतु णं देवाणु प्पिया ! ते पंच पंडवा कयरं देसं वा° दिसं वा विदिसि वा
गच्छंत ? ३००. तए णं से कण्हे वासुदेवे कोंति देवि एवं वयासी-अपूइवयणा' णं पिउच्छा !
उत्तमपुरिसा--वासुदेवा बलदेवा चक्कवट्टी। तं गच्छंतु णं पंच पंडवा दाहिणिल्लं वेयालि तत्थ पंडुमहुरं निवेसंतु, ममं अदिट्ठसेवगा भवंतु त्ति कटु
कोंति देवि सक्कारेइ सम्माणेइ', 'सक्कारेत्ता सम्माणेत्ता पडिविसज्जेइ॥ ३०१. तए णं सा कोंती देवी' •जेणेव हत्थिणाउरे नयरे तेणेव उवागच्छइ, उवाग
च्छित्ता° पंडुस्स एयमटुं निवेएइ ।। ३०२. तए णं पंडू राया पंच पंडवे सद्दावेइ, सद्दावेत्ता एवं वयासी- गच्छह णं तुब्भे
पुत्ता ! दाहिणिल्लं वेयालि । तत्थ णं तुब्भे पंडुमहुरं निवेसेह ॥ पंडुमहुरा-निवेसण-पदं ३०३. तए णं ते पंच पंडवा पंडुस्स रण्णो 'एयमटुं° तहत्ति पडिसूणेति, पडिसूणेत्ता
सबलवाहणा हय-गय"- रह-पवरजोहकलियाए चाउरंगिणीए सेणाए सद्धि संपरिवडा महयाभड-चडगर-रह-पहकर-विंदपरिक्खित्ता' हत्थिणाउराओ पडिनिक्खमंति, पडिनिक्खमित्ता जेणेव दविखणिल्ले वेयाली तेणेव उवागच्छंति, उवागच्छित्ता पंडुमहुरं नगरि निवेसंति । तत्थवि णं ते विपुलभोग-समिति
समण्णागया यावि होत्था । पंडुसेण-जम्म-पदं ३०४. तए णं सा दोवई देवी अण्णया कयाइ अावण्णसत्ता जाया यावि' होत्था । ३०५. तए णं सा दोवई देवी नवण्हं मासाणं बहुपडिपुण्णाणं जाव सुरूवं दारगं
पयाया--सूमाल कोमलयं गयतालुयसमाणं ।। ३०६. तए णं तस्स णं दारगस्स निव्वत्तबारसाहस्स अम्मापियरो इमं एयारूवं गोण्णं
गुणनिप्फण्णं नामधेज्जं करेंति° जम्हा णं अम्हं एस दारए पंचण्हं पंडवाणं पुत्ते दोवईए देवीए अत्तए, तं होउ णं इमस्स दारगस्स नामधेज्जं 'पंडुसेणे-पंडुसेणे"।
१. अपूईवयणा (ख, ग)। २. सं. पा.-सम्माणेइ जाव पडिविसज्जेइ। ३. सं० पा०.--देवो जाव पंडुस्स । ४. सं० पा०-रण्णो जाव तहत्ति । ५. सं० पा०-हयगय जाव हत्थिणाउराओ। ६. नगरं (ख)। ७. तत्थ (ग, घ)।
८. वि (ख, घ)। ६. प्रो० सू० १४३ । १०. सं० पा०-सूमाल निव्वत्तबारसाहस्स इमं
एयारूवं । सर्वास्वपि प्रतिष एतावानेव पाठो विद्यते, किन्तु १।१६।३३,३४ सूत्रानुसारेण
अस्य पूर्तिः कृता। ११. पंडुसेणे (ग)।
Jain Education International
For Private & Personal Use Only
www.jainelibrary.org
