________________
सोलसमं अभय (अवर कंका)
३२७
पासंति । तहवि य णं तुमं कण्हस्स वासुदेवस्स लवणसमुदं मज्भंमज्भेणं वीईवयमाणस्स सेयापीयाई धयग्गाई' पासिहिसि ॥
२७५. तए णं से कविले वासुदेवे मुणिसुव्वयं ग्ररहं वंदइ नमसइ, वंदित्ता नमसित्ता हत्थिबंधं दुरुहइ, दुरुहित्ता 'सिग्घं तुरियं चवलं चंडं जइणं वेइयं' जेणेव वेलाउले तेणेव उवागच्छर, उवागच्छित्ता कण्हस्स वासुदेवस्स लवणसमुदं मज्भंमज्झेणं वीईवयमाणस्स सेयाप याइं धयग्गाई पासइ, पासित्ता एवं वयइ एस णं मम सरिसपुरिसे उत्तमपुरिसे कहे वासुदेवे लवणसमुदं मज्भंमज्झेणं वीवइति कट्टु पंचयण्णं संखं परामसइ, परामुसित्ता मुहवायपूरियं करेइ ।। २७६. तए णं से कहे वासुदेवे कविलस्स वासुदेवरस संखसद्दं 'ग्रायण्णेइ, ग्रायण्णेत्ता * पंचयण्णं संखं परामुसइ, परामुसित्ता मुहवाय ° पूरियं करेइ || २७७. तए णं दोवि वासुदेवा संखसद्द - सामायारि करेति ॥
कविलेण पउमनाभस्स निव्वासण-पदं
२७८. तए णं से कविले वासुदेवे जेणेव ग्रवरकंका रायहाणी तेणेव उवागच्छर, उवागच्छित्ता अवरकंकं रायहाणि संभग्ग - पागार-गोउराट्टालय - चरिय-तोरणपल्हत्थियपवरभवण - सिरिघरं सरसरस्स धरणियले सण्णिवइयं • पासइ, पासित्ता पउमनाभं एवं वयासी - किण्णं देवाणुप्पिया ! एसा ग्रवरकंका रायहाणी संभग्ग - पागार-गोउराट्टालय - चरिय- तोरण- पल्हत्थियपवरभवण- सिरिघरा सरसरस्स धरणियले सण्णिवइया ?
२७६. तए णं से पउमनाभे कविलं वासुदेवं एवं वयासी - एवं खलु सामी ! जंबुद्दीवाओ दीवाओ भारहाग्र वासाग्रो इहं हव्वमागम्म कण्हेणं वासुदेवेणं तुब्भे परिभूय ग्रवरकंका • रायहाणी संभग्ग - गोउराट्टालय- चरिय-तोरण- पल्हत्थियपवरभवण - सिरिघरा सरसरस्स धरणियले सण्णिवाडिया " |
२८०. तए णं से कविले वासुदेवे पउमनाभस्स ग्रंतिए एयमट्ठे सोच्चा पउमनाभं एवं वयाणी - हंभो पउमनाभा ! अपत्थियपत्थिया ! दुरंतपंतलक्खणा! हीणपुण्णचाउद्दसा ! सिरि-हिरि - धिइ कित्ति - परिवज्जिया ! किण्णं तुमं न जाणसि मम सरिसपुरिसस्स कण्हस्स वासुदेवस्स विप्पियं करेमाणे ? - श्रासुरुत्ते" "रुट्ठे कुविए चंडिक्किए मिसिमिसेमाणे तिवलियं भिउडि निलाडे साहट्टु •
१. धयाई (घ ) ।
२. सिग्धं (क, घ ) ।
३. वेलाकूले ( क्व ) ।
४. आकण्णे २ (क) ।
५. सं० पा० - पंचयण्णं जाव पूरिय ।
६. समायारि ( ख, ग ) ।
Jain Education International
७. सं० पा० - संभग्ग तोरण जाव पासइ ।
८. सं० पा० - संभग्ग जाव सण्णिवइया ।
६. सं० पा० - अवरकंका जाव सण्णिवाडिया |
१०. सण्णिवाइया (घ ) ।
११. × (क, ग, घ) 1
१२. सं० पा० - आसुरुते जाव पउमनाभं ।
For Private & Personal Use Only
www.jainelibrary.org
