________________
सोलसमं अज्झयणं (अवरकका)
जोवण्णेण य लावणेण य उक्किट्ठा उक्किट्ठ ° सरीरा। तं इच्छामि णं देवाणुप्पिया ! दोवइं देवि 'इह हव्वमाणीयं ॥ तए णं से पुव्वसंगइए देवे पउमनाभं एवं वयासी-नो खलु देवाणुप्पिया। एवं भूयं वा भव्वं वा भविस्सं वा जण्णं दोवई देवी पंच पंडवे मोत्तूणं अण्णेणं पुरिसेणं सद्धि उरालाई 'माणुस्सगाई भोगभोगाइं में जमाणी° विहरिस्सइ । तहावि य णं अहं तव पियट्टयाए दोवइं देवि इहं हव्वमाणेमि त्ति कटु पउमनाभं प्रापुच्छइ, अापुच्छित्ता ताए उक्किट्ठाए' 'तुरियाए चवलाए चंडाए जवणाए सिग्याए उद्धयाए दिव्वाए° देवगईए लवणसमुहं मझमझेणं जेणेव
हत्थिणाउरे नयरे तेणेव पहारेत्थ गमणाए । २०५. तेणं कालेणं तेणं समएणं हथिणाउरे नयरे जुहिडिल्ले राया दोवईए देवीए सद्धि
उप्पि अागासतलगंसि सुहप्पसुत्ते यावि होत्था ।। २०६. तए णं से पुव्वसंगइए देवे जेणेव जुहिट्ठिल्ले राया जेणेव दोवई देवी तेणेव
उवागच्छइ, उवागच्छित्ता दोवईए देवीए प्रोसोवणि दलयइ, दलइत्ता दोवई देवि गिण्हइ, गिण्हित्ता ताए उक्किट्ठाए' "तुरियाए चवलाए चंडाए जवणाए सिग्याए उद्धयाए दिव्वाए ° देवगईए जेणेव अवरकंका जेणेव पउमनाभस्स भवणे तेणेव उवागच्छइ, उवागच्छित्ता पउमनाभस्स भवणंसि असोगवणियाए दोवइं देवि ठावेइ, ठावेत्ता ओसोवणि अवहरइ, अवहरित्ता जेणेव पउमनाभे तेणेव उवागच्छइ, उवागच्छित्ता एवं वयासी-एस णं देवाणु प्पिया ! मए हत्थिणाउरायो दोवई देवी इहं हव्वमाणीया तव असोगवणियाए चिटुइ । अयो
परं तुमं जाणसि त्ति कटु जामेव दिसिं पाउब्भूए तामेव दिसि पडिगए ॥ दोवईए चिता-पदं २०७. तए णं सा दोवइ देवी तो मुहुत्तंतरस्स पडिबुद्धा समाणी तं भवणं असोगवणियं
च अपच्चभिजाणमाणी एवं वयासी-नो खलु अम्हं 'एसे सए भवणे" नो खलु एसा अम्हं सगा असोगवणिया। तं न नज्जइ णं अहं केणइ देवेण वा दाणवेण वा किण्णरेण वा किंपुरिसेण वा महोरगेण वा गंधव्वेण वा अण्णस्स रण्णो असोगवणियं साहरिय त्ति कटु ओहयमणसंकप्पा करतलपल्हत्थमुही अट्टज्माणोवगया ० झियायइ।।
१. माणीयं (क, ख, ग)। २. सं० पा०-उरालाई जाव विहरिस्सइ । ३. सं० पा०-उक्किद्राए जाव देवगईए। ४. ओसोवणियं (ख)। ५. सं० पा०-उक्किट्ठाए जाव देवगईए।
६. अमरकंका (ख, ग, घ)। ७,८. दिसं (क)। ६. इमे सए पासाए (घ)। १०.सं० पा०-ओहयमणसंकप्पा जाव झियायइ।
Jain Education International
For Private & Personal Use Only
www.jainelibrary.org
