________________
सोलसमं अज्झयणं (अवरकका)
२६५ सूमालियाए पुढोविहार-पदं ११८. तए णं तीसे सूमालियाए समणीहिं निग्गंथीहिं हीलिज्जमाणीए' निदिज्ज
माणीए खिसिज्जमाणीए गरिहिज्जमाणीए परिभविज्जमाणीए अभिक्खणंअभिक्खणं एयमटुं° निवारिज्जमाणीए इमेयारूवे अज्झथिए' चितिए पत्थिए मणोगए संकप्पे° समुप्पज्जित्था -जया णं अहं अगारमझे' वसामि, तया णं अहं अप्पवसा । जया णं अहं मुंडा भवित्ता पव्वइया, तया णं अहं परवसा। पुचि च णं ममं समणीग्रो प्राति परिजाणंति, इयाणि नो पाढंति नो परिजाणंति । तं सेयं खलु मम कल्लं पाउप्पभायाए रयणीए' उट्रियम्मि सूरे सहस्सरस्सिम्मि दिणयरे तेयसा जलते गोवालियाणं अज्जाणं अंतियाग्रो पडिनिक्खमित्ता पाडिएक्कं उवस्सयं उवसंपज्जित्ता णं विहरित्तए त्ति कटु एवं संपेहेइ, संपेहेत्ता कल्लं पाउप्पभायाए रयणीए उट्ठियम्मि सूरे सहस्सरस्सिम्मि दिणयरे तेयसा जलते गोवालियाणं अज्जाणं अंतियानो पडिनिक्खमइ, पडिनिक्खमित्ता
पाडिएक्कं उवस्सयं उवसंपज्जित्ता णं विहरइ ॥ ११६. तए णं सा सूमालिया अज्जा अणोहट्टिया' अनिवारिया सच्छंदमई अभिक्खणं
अभिक्खणं हत्थे धोवेइ', 'पाए धोवेइ, सीसं धोवेइ, मुहं धोवेइ, थणंतराइं धोवेइ, कक्खंतराइं धोवेइ, गुझंतराइं धोवेइ, जत्थ णं ठाणं वा सेज्जं वा निसीहियं वा चेएइ, तत्थ वि य णं पुवामेव उदएणं अब्भुक्खेत्ता तो पच्छा ठाणं वा सेज्ज वा निसीहियं वा चेएइ। तत्थ वि य णं पासत्था पासत्थविहारिणी अोसन्ना प्रोसन्नविहारिणी कुसीला कुसीलविहारिणी संसत्ता संसत्तविहारिणी बहूणि वासाणि सामण्णपरियागं पाउणइ, पाउणित्ता अद्धमासियाए संलेहणाए अप्पाणं झोसेत्ता, तीसं भत्ताई अणसणाए छेएत्ता, तस्स ठाणस्स अणालोइयपडिक्कंता कालमासे कालं किच्चा ईसाणे कप्पे अण्णयरंसि विमाणंसि देवगणियत्ताए उववण्णा। तत्थेगइयाणं देवीणं नवपलिनोवमाइं ठिई पण्णत्ता। तत्थ णं सूमालियाए देवीए नवपलि
प्रोवमाइं ठिई पण्णत्ता ।। दोवई-कहाणग-पदं १२०. तेणं कालेणं तेणं समएणं इहेव जंबुद्दीवे दीवे भारहे वासे पंचालेसु जणवएस
कंपिल्लपुरे नामं नयरे होत्था--वण्णप्रो॥ १. सं० पा०-हीलिज्जमाणीए जाव निवा- ५. पू०-ना० १।१।२४ । रिज्जमाणीए।
६. अणाहट्टिया (ख, घ)। २. सं० पा०-अज्झथिए जाव समुप्पज्जित्था। ७. सं० पा०-धोवेइ जाव चेएइ। ३. अगारवास ° (ख)।
८. तत्थगतियाणं (क, ग)। ४. परिवसामि (क)।
६. ओ० सू० १।
Jain Education International
For Private & Personal Use Only
www.jainelibrary.org
