________________
सोलसमं अज्झयणं (अवरकंका)
२८१ ३५. तए णं तीसे दारियाए अम्मापियरो नामधेज्जं करेंति सूमालियत्ति ॥ ३६. तए णं सा सूमालिया दारिया पंचधाईपरिग्गहिया [तं जहा-खीरधाईए'
'मज्जणधाईए मंडावणधाईए खेल्लावणधाईए अंकधाईए] ' अंकानो अंक साहरिज्जमाणी रम्मे मणिकोट्टिमतले गिरिकंदरमल्लीणा इव चंपगलया
निवाय-निव्वाघायंसि 'सुहंसुहेणं ° परिवड्डइ । सूमालियाए सागरेण सद्धि विवाह-पदं ३७. तए णं सा सूमालिया दारिया उम्मुक्कबालभावा' 'विण्णय-परिणयमेत्ता
जोव्वणगमणुपत्ता° रूवेण य जोव्वणेण य लावण्णेण य उक्किट्ठा उक्किट्टसरीरा
जाया यावि होत्था। ३८. तत्थ णं चंपाए नयरीए जिणदत्ते नाम सत्थवाहे-अड्ढे ।। ३६. तस्स णं जिणदत्तस्स भद्दा भारिया-सूमाला इट्ठा माणुस्सए कामभोगे
पच्चणुब्भवमाणा विहरइ॥ ४०. तस्स णं जिणदत्तस्स पुत्ते भद्दाए भारियाए अत्तए सागरए नामं दारए
सुकुमालपाणिपाए जाव' सुरूवे ।। ४१. तए णं से जिणदत्ते सत्थवाहे अण्णया कयाइ सयानो गिहाम्रो पडिनिक्खमइ,
पडिनिक्खमित्ता सागरदत्तस्स सत्थवाहस्स अदूरसामतेणं वीईवयइ । इमं च णं सूमालिया दारिया पहाया चेडिया-चक्कवाल-संपरिवडा" उप्पि
अागासतलगंसि कणग-तिदूसएणं 'कीलमाणी-कीलमाणी'' विहरइ ।। ४२. तए णं से जिणदत्ते सत्थवाहे सूमालियं दारियं पासइ, पासित्ता सूमालियाए
दारियाए रूवे य जोव्वणे य लावण्णे य जायविम्हए कोडुबियपुरिसे सहावेइ, सद्दावेत्ता एवं वयासी-एस णं देवाणुप्पिया ! कस्स दारिया ? किं वा नाम
धज्जं से? ४३. तए णं ते कोडुबियपुरिसा जिणदत्तेणं सत्थवाहेणं एवं वुत्ता समाणा हतुवा
करयल परिग्गहियं सिरसावत्तं मत्थए अंजलि कटु ° एवं वयासी-एस णं देवाणुप्पिया ! सागरदत्तस्स सत्थवाहस्स धूया भद्दाए भारियाए अत्तया
१. सं० पा०-खीरधाईए जाव गिरिकंदर- ६. इट्ठा जाव (ख, घ)। मल्लीणा।
७. ना० १११।१७ । २. असो कोष्ठकवर्ती पाठः व्याख्यांश: प्रतीयते। ८. साओ (क, ख, ग)। ३. X (ख)।
६. संघपरिवुडा (ग)। ४. सं० पा०-निव्वाघायंसि जाव परिवड्ढइ। १०. कीलमाणी (ख, ग)। ५. सं० पा०—उम्मुक्कबालभावा जाव रूवेण । ११. सं० पा०-करयल जाव एवं ।
Jain Education International
For Private & Personal Use Only
www.jainelibrary.org
