________________
चोद्दसमं अज्झयणं (तेयली)
तेयलिपुत्तस्स विम्हयकरण-पदं ७७. तए णं से तेयलिपुत्ते एवं वयासी-सद्धेयं खलु भो ! समणा वयंति । सद्धेयं
खलु भो ! माहणा वयंति । सद्धेयं खलु भो ! समण-माहणा वयंति । अहं एगो असद्धेयं वयामि । एवं खलु
अहं सह पुत्तेहिं अपुत्ते । को मेदं सद्दहिस्सइ ? सह मित्तेहिं अमित्ते। को मेदं सद्दहिस्सइ ? "सह अत्थेणं अणत्थे। को मेदं सद्दहिस्सइ ? सह दारेणं अदारे । को मेदं सद्दहिस्सइ ? सह दासेहि अदासे । को मेदं सद्दहिस्सइ ? सह पेसेहि अपेसे । को मेदं सद्दहिस्सइ?
सह परिजणेणं अपरिजणे । को मेदं सद्दहिस्सइ ? ० एवं खलु तेयलिपुत्तेणं अमच्चेणं कणगज्झएणं रण्णा अवज्झाएणं समाणेणं तालपुडगे विसे पासगंसि पक्खित्ते । से वि य नो कमइ । को मेयं सहहिस्सइ ? तेयलिपुत्तेणं नीलुप्पल-गवलगुलिय-अयसि-कुसुमप्पगासे खुरधारे असी° खधंसि अोहरिए । तत्थ वि य से धारा ओएल्ला । को मेयं सद्दहिस्सइ ? तेयलिपुत्तेणं पासगं गीवाए बंधित्ता' •रुक्खं दुरूढे, पासगं रुक्खे बंधित्ता अप्पा मूक्के । तत्थ विय से रज्जु छिन्ना । को मेयं सहहिस्सइ? तेयलिपुत्तेणं महइमहालियं 'सिलं गीवाए बंधित्ता अत्थाहमतारमपोरिसीयंसि उदगंसि अप्पा मुक्के । तत्थ वि य णं से थाहे जाए। को मेयं सद्दहिस्सइ ? तेयलिपुत्तेणं सुक्कंसि तणकूडंसि' 'अगणिकायं पक्खिवित्ता अप्पा मुक्के । तत्थ वि य से° अग्गी विज्झाए । को मेयं सद्दहिस्सइ ?-ओहयमणसंकप्पे
करतलपल्हत्थमुहे अट्टज्माणोवगए° झियायइ ।। पोट्टिलदेवस्स संवाद-पदं ७८. तए णं से पोट्टिले देवे पोट्टिलारूवं विउव्वइ, विउव्वित्ता तेयलिपुत्तस्स अदूर
सामंते ठिच्चा एवं वयासी-हं भो तेयलिपुत्ता ! पुरो पवाए, पिट्टो हत्थिभयं, दूहयो अचक्खुफासे, मज्झे सराणि वरिसंति । गामे पलित्ते रण्णे झियाइ, रण्णे पलित्ते गामे झियाइ । आउसो तेयलिपुत्ता ! कओ वयामो ?
१. सं० पा०–एवं अत्थेणं दारेणं दासेहिं पेसेहि
परिजणेणं। २. सं० पा०-नीलुप्पल जाव खंधंसि । ३. सं० पा०-बंधित्ता जाव रज्जू । ४. सं० पा०-महालियं जाव बंधित्ता अत्थाह
जाव उदगंसि। ५. सं० पा०-तणकूडे ० ६. स० पा०-ओहयमणसंकप्पे जाव झियायइ। ७. झियाति (क, ख, ग)। ८. पतंति (व) ।
Jain Education International
For Private & Personal Use Only
www.jainelibrary.org
