________________
चोद्दसमं अज्झयणं (तेयली)
२६१ ६९. तए णं तेयलिपुत्ते कणगज्झयं रायं विप्परिणयं जाणित्ता भीए' तत्थे तसिए
उविग्गे ° संजायभए एवं वयासी–रुटे णं मम कणगज्झए राया। होणे' णं मम कणगज्झए राया। अवज्झाए' ण मम कणगज्झए राया। तन नज्जइ णं मम केणइ कु-मारेण मारेहिइ त्ति कटुं भीए तत्थे जाव सणियं-सणियं 'पच्चोसक्कइ, पच्चोसक्कित्ता" तमेव आसखंधं दुरूहइ, दुरूहित्ता तेयलिपुरं
मज्झमझेणं जेणेव सए गिहे तेणेव पहारेत्थ गमणाए । ७०. तए णं तेयलिपुत्तं जे जहा ईसर जाव' सत्थवाहपभियत्रो पासंति ते तहा नो
आढायंति नो परियाणंति नो अब्भट्ठति नो अंजलिपग्गह करेंति, इट्टाइं जाव' वग्गहिं नो आलवंति नो संलवंति नो पुरो य पिट्ठयो य पासो य समणु
गच्छति ।। ७१. तए णं तेयलिपुत्ते अमच्चे जेणेव सए गिहे तेणेव उवागए। जा वि य से तत्थ
बाहिरिया परिसा भवइ, तं जहा - दासे इ वा पेसे इ वा भाइल्लए इ वा, सा वि य णं नो आढाइ नो परियाणाइ नो अब्भुढेइ । जा वि य से अभितरिया परिसा भवइ, तं जहा-पिया इ वा माया इ वा 'भाया इ वा भगिणी इ वा भज्जा इ वा पुत्ता इ वा धूया इ वा सुण्हा इ वा, सा वि य णं नो आढाइ नो
परियाणाइ नो अब्भुढेइ ।। तेलियपुत्तस्स मरणचेट्ठा-पदं ७२. तए णं से तेयलिपुत्ते जेणेव वासघरे जेणेव सयणिज्जे तेणेव उवागच्छइ, उवा
गच्छित्ता सयणिज्जसि निसीयइ, निसीइत्ता एवं वयासी-एवं खलु अहं सयानो गिहाम्रो निग्गच्छामि तं चेव जाव अभितरिया परिसा नो पाढाइ नो परियाणाइ नो अब्भटेइ । तं सेयं खलु मम अप्पाणं जीवियाग्रो ववरोवित्तए त्ति कटु
एवं संपेहेइ, संपेहेत्ता तालउडं विसं आसगंसि पक्खिवइ । से य विसे नो कमइ ।। ७३. तए णं से तेयलिपुत्ते अमच्चे नीलुप्पल- गवलगुलिय-अयसिकुसुमप्पगासं खर
धारं असिं खंधंसि अोहरइ । तत्थ वि य से धारा प्रोएल्ला ॥ ७४. तए णं से तेयलिपुत्ते जेणेव असोगवणिया तेणेव उवागच्छइ, उवागच्छित्ता पासगं
गीवाए बंधइ, बंधित्ता रुक्खं दुरुहइ, दुरुहित्ता पासगं रुक्खे बंधइ, बंधित्ता अप्पाणं मुयइ । तत्थ वि य से रज्जू छिन्ना॥
१. सं० पा०-भीए जाव संजायभए । २. प्रीत्येति गम्यते (वृ)। ३. पाठान्तरेण दुर्ध्यातोहं (वृ) । ४. पच्चोरुहइ २ (ग)। ५. ना० १११४१६५ ६. ना० ११११४८ ।
७. सं० पा०-माया इ वा जाव सुण्हा । ८. ना० ११४।६४-७१ । ६. सं० पा०-नीलुप्पल जाव असिं। . १०. ओइल्ला (ख); ओपल्ला (ग, घ); अवदीर्णा
कुंठीभूता इत्यर्थः (वृ)।
Jain Education International
For Private & Personal Use Only
www.jainelibrary.org
