________________
चोद्दसमं अज्झयण (तेपली)
२१७ जागरमाणीए अयमेयारूवे अज्झथिए चितिए पत्थिए मणोगए संकप्पे समुपज्जित्था --एवं खलु अहं तेयलिपुत्तस्स पुब्धि इट्ठा कंता पिया मणुण्णा मणामा आसि, इयाणि अणिट्ठा' 'अकंता अप्पिया अमणुण्णा अमणामा जाया । नेच्छइ णं तेयलीपुत्ते मम नामगोयमवि सवणयाए किं पुण दंसणं वा परिभोगं वा? तं सेयं खल मम सुव्वयाणं अज्जाणं अंतिए पव्वइत्तए–एवं संपेहेइ, संपेहेत्ता कल्लं पाउप्पभायाए रयणीए जाव उद्रियम्मि सरे सहस्सरस्सिम्मि दिणयरे तेयसा जलंते जेणेव तेयलिपुत्ते तेणेव उवागच्छइ, उवागच्छित्ता करयल'•परिग्गहियं सिरसावत्तं मत्थए अंजलिं कट्ट° एवं वयासी--एवं खलु देवाणुप्पिया ! मए सुव्वयाणं अज्जाणं अंतिए धम्मे निसंते', 'से वि य मे धम्मे इच्छिए पडिच्छिए अभिरुइए । तं इच्छामि णं तुब्भेहिं ° अब्भणुण्णाया
पव्वइत्तए॥ ५१. तए णं तेयलिपुत्ते पोट्टिलं एवं वयासी-एवं खलु तुमं देवाणुप्पिए ! मुंडा
पव्वइया समाणी कालमासे कालं किच्चा अण्णयरेसु देवलोएसु देवत्ताए उववज्जिहिसि । तं जइ णं तुमं देवाणुप्पिए ! ममं तारो देवलोगायो आगम्म केवलिपण्णत्ते धम्मे बोहेहि, तो हं विसज्जेमि। अह णं तुमं ममं न संबोहेसि,
तो ते न विसज्जेमि ॥ ५२. तए णं सा पोट्टिला तेयलिपुत्तस्स एयमटुं पडिसुणेइ ।
तए ण तेयलिपुत्ते विउलं असणं पाणं खाइमं साइमं उवक्खडावेइ, उवक्खडावेत्ता मित्त-नाइ-नियग-सयण-संबंधि-परियणं आमतेइ जाव' सक्कारेइ सम्माणेइ, सक्कारेत्ता सम्माणेत्ता पोट्टिलं हायं 'सव्वालंकारविभूसियं पुरिससहस्सवाहिणीयं सीयं दुरुहित्ता मित्त-नाइ-नियग-सयण-संबंधि-परियणेणं सद्धि संपरिवडे सव्विड्डीए जाव दुंदुहिनिग्घोसनाइय-रवेणं तेयलिपुरं मझमझेणं जेणेव सूव्वयाणं उवस्सए तेणेव उवागच्छइ, उवागच्छित्ता सीयाग्रो पच्चोरुहइ, पच्चोरुहिता पोट्टिलं पुरनो कटु जेणेव सुव्वया अज्जा तेणेव उवागच्छइ, उवागच्छित्ता वंदइ नमसइ, वंदित्ता नमंसित्ता एवं वयासी-एवं खलु देवाणुप्पिया ! मम पोट्टिला भारिया इट्ठा कंता पिया मणुण्णा मणामा। एस णं संसारभउव्विग्गा" •भीया जम्मण-जर-मरणाणं इच्छइ देवाणुप्पियाणं अंतिए
५३.
१. सं० पा०-अणिट्रा जाव परिभोगं । २. ना० १११।२४। ३. सं० पा०-करयल । ४. सं० पा०--निसंते जाव अब्भणण्णाया। ५. ता (क, ख, ग)। ६. सं० प्रा०-नाइ जाव आमंतेइ ।
७. ना० ११७।६। ८. सं० पा०-ण्हायं जाव पुरिससहस्सवाहिणीयं । ६. सं० पा०-नाइ जाव संपरिबुडे । १०. ना० १११।३३। ११. सं० पा०-संसारभउन्विग्गा जाव पव्वइत्तए।
Jain Education International
For Private & Personal Use Only
www.jainelibrary.org
