________________
२२६
मायाधम्मकहानो
मंदावाया महावाया वायंति, तया णं सव्वे दावद्दवा रुक्खा पत्तिया पुप्फिया फलिया हरियग-रेरिज्जमाणा सिरीए अईव उवसोभेमाणा-उवसोभेमाणा चिट्ठति ॥ एवामेव समणाउसो ! जो अम्हं निग्गंथो वा निग्गंथी वा आयरिय-उवज्झायाणं अंतिए मुंडे भवित्ता अगाराग्रो अणगारियं पव्वइए समाणे बहूण समणाणं बहूणं समणीणं बहूणं सावयाणं बहूणं सावियाणं बहूणं अण्णउत्थियाणं बहूणं गिहत्थाणं सम्म सहइ खमइ तितिक्खइ अहियासेइ-एस णं मए पुरिसे सव्वआराहए पण्णत्ते । एवं खलु गोयमा ! जीवा पाराहगा वा विराहगा वा भवंति ।।
निक्खव-पदं १०. एवं खलु जंबू ! समणेणं भगवया महावीरेणं एक्कारसमस्स नायज्झयणस्स अयमढे पण्णत्ते।
-त्ति बेमि ॥ वृत्तिकृता समुद्धता निगमनगाथा
जह दावद्दव-'तरुणो, एवं" साहू जहेह दीविच्चा। वाया तह समणा इय, सपक्ख-वयणाइं दुसहाई ।।१।। जह सामुद्दय-वाया, तहण्णतित्थाइ-कडुयवयणाई। कुसुमाइं संपया जह, सिवमग्गाराहणा तह उ ।।२।। जह कुसुमाइ-विणासो, सिवमग्ग-विराहणा तहा णेया। जह दीववायु-जोगे, बहु इड्डी ईसि य अणिड्डी ।।३।। तह साहम्मिय-वयणाण, सहणमाराहणा भवे बहुया। इयराणमसहणे, पुण सिवमग्ग-विराहणा थोवा ॥४॥ जह जलहिवाय-जोगे, थेविड्डी बहुयरा अणिड्डी य । तह परपक्खक्खमणे, आराहणमीसि बहु इयरं ॥५।। जह उभयवाय-विरहे, सव्वा तरुसंपया विणगृत्ति। अणिमित्तोभय-मच्छर-रूवेह विराहणा तह य ॥६॥ जह उभयवाय-जोगे, सव्वसमिद्धी वणस्स संजाया। तह उभयवयण-सहणे सिवमग्गाराहणा पुण्णा ।।७।। ता पुण्णसमणधम्माराहणचित्तो सया महापुण्णो। सव्वेण वि कीरंत, सहेज्ज सव्वं पि पडिकूलं ॥८॥
१. तरूणमेवं [क्व] ।
२. महासत्तो [क्व ।
Jain Education International
For Private & Personal Use Only
www.jainelibrary.org
