________________
२२२
नायाधम्मकहाओ ३. एवामेव समणाउसो! जो अम्हं निग्गंथो वा निग्गंथी वा' 'पायरिय
उवज्झायाणं अंतिए मुंडे भवित्ता अगारामो अणगारियं° पव्वइए समाणे हीणे खंतीए एवं--मुत्तीए गुत्तीए अज्जवेणं मद्दवेणं लाघवेणं सच्चेणं तवेणं चियाए अकिंचणयाए हीणे बंभचेरवासेणं । तयाणंतरं च णं हीणतराए खंतीए जाव हीणतराए बंभचेरवासेणं । एवं खलु एएणं कमेणं परिहायमाणे-परिहायमाणे नढे खंतीए जाव नढे बंभचेर
वासेणं॥ परिवड्ढमाण-पदं ४. से जहा वा सुक्कपक्खस्स पाडिवय-चंदे अमावसा-चंदं पणिहाय अहिए वण्णणं'
'अहिए सोम्माए अहिए निद्धयाए अहिए कंतीए एवं-दित्तीए जुत्तीए छायाए पभाए ओयाए लेसाए° अहिए मंडलेणं। तयाणंतरं च णं बीया-चंदे पाडिवय-चंदं पणिहा राए वण्णणं जाव अहिययराए मंडलेणं। एवं खलु एएणं कमेणं परिवड्ढेमाणे-परिवड्ढेमाणे जाव पुण्णिमा-चंदे चाउसि
चंदं पणिहाय पडिपुण्णे वण्णणं जाव पडिपुण्णे मंडलेणं॥ ५. एवामेव समणाउसो! 'जो अम्हं निग्गंथो वा निग्गंथी वा आयरिय
उवज्झायाणं अंतिए मुंडे भवित्ता अगाराप्रो अणगारियं° पव्वइए समाणे अहिए खंतीए एवं- मुत्तीए गुत्तीए अज्जवेणं मद्दवेणं लाघवेणं सच्चेणं तवेणं चियाए अकिंचणयाए अहिए ° बंभचेरवासेणं ।। तयाणंतरं च णं अहिययराए खंतीए जाव अहिययराए बंभचेरवासेणं । एवं खलु एएणं कमेणं परिवड्ढेमाणे-परिवड्ढेमाणे पडिपुण्णे खंतीए जाव पडिपुण्णे बंभचेरवासेणं।
एवं खलु जीवा वड्ढंति वा हायंति वा ।। निक्खेव-पदं ६. एवं खलु जंबू ! समणेणं भगवया महावीरेणं दसमस्स नायज्झयणस्स अयम? पण्णत्ते ।
-त्ति बेमि॥
१. सं० पा०-निग्गंथी वा जाव पव्वइए। २. पाडिवया (क, ख); पडिवया (ग, घ)। ३. सं० पा०-वण्णेणं जाव अहिए।
४. सं० पा०-समणाउसो! जाव पव्वइए। ५. सं० पा०-खंतीए जाव बंभचेरवासेणं ।
Jain Education International
For Private & Personal Use Only
www.jainelibrary.org
