________________
१६६
नायाधम्मकहाओ
रायहाणि कुंभगस्स रण्णो भवणंसि तिण्णि कोडिसया अट्ठासीइं च कोडीयो असीई सयसहस्साइं—इमेयारूवं अत्थ-संपयाणं साहरह, साहरित्ता मम
एयमाणत्तियं पच्चप्पिणह ॥ १६६.
तए णं ते जंभगा देवा वेसमणेणं देवेणं एवं वुत्ता समाणा जाव' पडिसुणेत्ता उत्तरपुरत्थिमं दिसीभागं अवक्कमंति अवक्कमित्ता वेउव्वियसमुग्घाएणं समोहणंति, समोहणित्ता संखेज्जाइं जोयणाई दंडं निसिरंति, जाव' उत्तरवेउवियाई रूवाई विउव्वंति, विउव्वित्ता ताए उक्किदाए जाव' देवगईए वीईवयमाणा-वीईवयमाणा जेणेव जंबूद्दीवे दीवे भारहे वासे जेणेव मिहिला रायहाणी जेणेव कुंभगस्स रण्णो भवणे तेणेव उवागच्छंति, उवागच्छित्ता कं भगस्स रण्णो भवणंसि तिणि कोडिसया जाव साहरंति, साहरित्ता जेणेव वेसमणे देवे तेणेव उवागच्छंति, उवागच्छित्ता करयल परिग्गहियं दसणहं सिरसावत्तं
मत्थए अंजलि कट्ट तमाणत्तियं° पच्चप्पिणंति ।। १६७. तए णं से वेसमणे देवे जेणेव सक्के देविदे देवराया तेणेव उवागच्छइ, उवाग
च्छित्ता करयलपरिग्गहियं जाव तमाणत्तियं पच्चप्पिणइ ॥ १६८. तए णं मल्ली अरहा कल्लाकल्लि जाव मागहो पायरासो त्ति बहूणं सणाहाण
य अणाहाण य पंथियाण य पहियाण य करोडियाण य कप्पडियाण य 'एगमेगं हिरण्णकोडिं अट्ठ य अणूणाई सयसहस्साई -इमेयारूवं अत्थ-संपयाणं"
दलयइ॥ 88. तए णं कुंभए राया मिहिलाए रायहाणीए तत्थ-तत्थ तहि-तहिं देसे-देसे बहनो
महाणससालाप्रो करेइ । तत्थ णं बहवे मणुया दिण्णभइ-भत्त-वेयणा विउलं असण-पाण-खाइम-साइमं उवक्खडेंति । जे जहा प्रागच्छंति, तं जहा - पंथिया वा पहिया वा करोडिया वा कप्पडिया वा पासंडत्था वा गिहत्था वा, तस्स य तहा पासत्थस्स वीसत्थस्स सुहासणवरगयस्स तं विउलं असण-पाण-खाइम
साइमं परिभाएमाणा परिवेसेमाणा' विहरंति ।। २००. तए णं मिहिलाए नयरीए सिंघाडग'-'तिग-चउक्क-चच्चर-चउम्मुह-महापह
पहेसु बहुजणो अण्णमण्णस्स एवमाइक्ख इ–एवं खलु देवाणु प्पिया ! कुंभगस्स रणो भवणंसि सव्वकामगुणियं किमिच्छियं विपुलं असण-पाण-खाइम-साइम
१. ना० शा१६५। २, ३. राय० सू० १०। ४. ना. १।८।१६५। ५. सं० पा०-करयल जाव पच्चप्पिणंति। ६. ना० १।८।१६६।
७. काउडियाणं (वृपा)। ८. एगमेगं हत्थामासं ति वाचनान्तरे दृश्यते (वृ)। ६. परिवेसमाणा (क, ख)। १०. सं० पा०-सिंघाडग जाव बहजणो।
Jain Education International
For Private & Personal Use Only
www.jainelibrary.org
