________________
१८०
नायाधम्मकहाओ वयासी-जाव' मल्लि विदेहरायवरकन्नं मम भारियत्ताए वरेहि, जइ वि य णं
सा सयं रज्जसुंका॥ ११३. तए णं से दूए संखेणं एवं वुत्ते समाणे हट्ठतुढे जाव' जेणेव मिहिला नयरी तेणेव °
पहारेत्थ गमणाए॥ प्रदीणसत्तु-राय-पदं ११४. तेणं कालेणं तेणं समएणं कुरु नामं जणवए होत्था । तत्थ णं हत्थिणाउरे नामं
नयरे होत्था। तत्थ णं अदीणसत्तू नाम राया होत्था जाव' रज्जं पसासेमाणे
विहरइ॥ ११५. तत्थ णं मिहिलाए तस्स णं कुंभगस्स रण्णो पुत्ते पभावईए देवीए अत्तए मल्लीए
अणुमग्गजायए मल्लदिन्ने नाम कुमारे सुकुमालपाणिपाए जाव' जुवराया
यावि होत्था ॥ ११६. तए णं मल्लदिन्ने कुमारे अण्णया कयाइ कोडुबियपुरिसे सद्दावेइ, सद्दावेत्ता एव
वयासी-गच्छह णं तुब्भे मम पमदवणंसि एगं महं चित्तसभं करेह-अणेग
खंभसयसण्णिविटुं एयमाणत्तियं पच्चप्पिणह। तेवि तहेव पच्चप्पिणंति ॥ ११७. तए णं से मल्लदिन्ने कुमारे चित्तगर-सेणि सद्दावेइ, सद्दावेत्ता एवं वयासी
तुब्भे णं देवाणुप्पिया ! चित्तसभं हाव-भाव-विलास-बिब्बोयकलिएहिं रूवेहिं
चित्तेह', 'चित्तेत्ता एयमाणत्तियं पच्चप्पिणह ॥ ११८. तए णं सा चित्तगर-सेणी एयम₹ तहत्ति पडिसूणेइ, पडिसूणेत्ता जेणेव सयाइ
गिहाई तेणेव उवागच्छइ, उवागच्छित्ता तूलियानो वण्णए य गेण्हइ, गेण्हित्ता जेणेव चित्तसभा तेणेव अणुप्पविसइ, अणुप्पविसित्ता भूमिभागे विरचति, विरचित्ता भूमि सज्जेइ, सज्जत्ता चित्तसभं हाव-भाव-विलास-बिब्बोय
कलिएहिं रूवेहिं चित्तेउं पयत्ता यावि होत्था । ११६. तए णं एगस्स चित्तगरस्स इमेयारूवा चित्तगर-लद्धी लद्धा पत्ता अभिसमण्णा
गया-जस्स णं दुपयस्स वा चउप्पयस्स वा अपयस्स वा एगदेसमवि पासइ,
तस्स णं देसाणुसारेणं तयाणुरूवं निव्वत्तेइ ।। १२०. तए णं से चित्तगरे" मल्लीए जवणियंतरियाए जालंतरेण पायंगुटुं पासइ । तए
१. ना० १।८।६२ । २. ना० ११८।६३ । ३. ओ० सू० १४ । ४. दिन्नए (क, ख, ग, घ)। ५. ओ० सू० १४३। ६६ पू०-ना० ११११८६ ।
७. गच्छह णं तुब्भे (ख, घ) । ८. सं० पा०-चित्तेह जाव पच्चप्पिणह । ६. द्रष्टव्यम-अस्यैवाध्ययनस्य १०४ सूत्रम् । १०. सं० पा०-भाव जाव चित्तेउं । ११. चित्तगरदारए (क, ख, ग, घ)। १२. जवणियंतराए (ख); जवणंतरियाए (ग)।
Jain Education International
For Private & Personal Use Only
www.jainelibrary.org
