________________
१७२
লাক্ষাঙ্গী निव्वोलेमि', जेणं तुमं अट्ट-दुहट्ट-वसट्टे असमाहिपत्ते अकाले चेव जीवियानो
ववरोविज्जसि ।। ७५. तए णं से अरहण्णगे समणोवासए तं देवं मणसा चेव एवं वयासी-अहं णं
देवाणुप्पिया ! अरहण्णए नाम' समणोवासए अहिगयजीवाजीवे । नो खलु अहं सक्के केणइ देवेण वा 'दाणवेण वा जक्खेण वा रक्खसेणं वा किन्नरेण वा किंपुरिसेण वा महोरगेण वा गंधव्वेण वा निग्गंथात्रो पावयणायो चालित्तए वा खोभित्तए वा विपरिणामित्तए वा, तुमं णं जा" सद्धा तं करेहि त्ति कटु अभीए जाव' अभिन्नमुहराग-नयणवण्णे अदीण-विमण-माणसे निच्चले निप्फंदे'
तुसिणीए धम्मज्झाणोवगए विहरइ॥ ७६. तए णं से दिव्वे पिसायरूवे अरहण्णगं समणोवासगं दोच्चंपि तच्चपि एवं
वयासी-हंभो अरहण्णगा ! जाव' धम्मज्झाणोवगए विहरइ ।। ७७. तए णं से दिव्वे पिसायरूवे अरहण्णगं धम्मज्झाणोवग यं पासइ, पासित्ता
बलियतरागं आसुरत्ते तं पोयवहणं दोहि अंगुलियाहिं गेण्हइ, गेण्हित्ता सत्तद्वतलप्पमाणमेत्ताइं उड्ढं वेहासं उव्विहइ, उव्विहित्ता' अरहण्णगं एवं वयासीहंभो अरहण्णगा ! अपत्थियपत्थया ! नो खलु कप्पइ तव सील-व्वय'. गुणवेरमण-पच्चक्खाण-पोसहोववासाइंचालितए वा खोभित्तए वा खंडित्तए वा भंजित्तए वा उज्झित्तए वा परिच्चइत्तए वा। तं जइ णं तुमं सील-व्वय-गुणवेरमण-पच्चक्खाण-पोसहोववासाइं न चालेसि न खोभेसि न खंडेसि न भंजेसि न उज्झसि न परिच्चयसि, तो ते अहं एवं पोयवहणं अंतो जलंसि निब्बोलेमि,
जेणं तुमं अट्ट-दुहट्ट-वसट्टे असमाहिपत्ते अकाले चेव जीवियाग्रो ववरोविज्जसि ।। ७८. तए णं से अरहण्णगे समणोवासए तं देवं मणसा चेव एवं वयासी-अहं णं
देवाणुप्पिया ! अरहण्णए नामं समणोवासए-- अहिगयजीवाजीवे नो खलु अहं सक्के केणइ देवेण वा दाणवेण वा जक्खेण वा रक्खसेण वा किन्नरेण वा किंपुरिसेण वा महोरगेण वा गंधव्वेण वा निग्गंथानो पावयणायो चालित्तए वा खोभित्तए वा विपरिणामित्तए वा, तुमं णं जा सद्धा तं करेहि त्ति कटु अभीए जावर अभिन्नमुहराग-नयणवण्णे अदीण-विमण-माणसे निच्चले निप्फंदे
१. निच्छोल्लेमि (क)। २. जाणं (क, ग, घ)। ३. X(ग)। ४. सं० पा०-देवेण वा जाव निग्गंथाओ। ५. जाव (ख, ग, घ) अशुद्ध प्रतिभाति। ६. ना० ११८७३। ७. निप्पंदे (ख)।
८. ना० १८।७४,७५ । ६. सं० पा०-सत्तट्टतलाई जाव अरहन्नगं । १०. पू०-~ना० ११८७४ । ११. सं० पा०-सीलव्वय तहेव जाव
धम्मज्झाणोवगए। १२. ना० ११८७३ ।
Jain Education International
For Private & Personal Use Only
www.jainelibrary.org
