________________
१५६
भट्टमं अज्झयणं (मल्ली)
सोलसमं करेंति, चोद्दसमं करेंति । अट्ठारसमं करेंति, सोलसमं करेंति । वीसइमं करेंति, सोलसमं करेंति । अट्ठारसमं करेंति, चोद्दसमं करेंति । सोलसमं करेंति, दुवालसमं करेंति । चोद्दसमं करेंति, दसमं करेंति । दुवालसमं करेंति, अट्ठमं करेंति । दसमं करेति, छटुं करेति ।
अट्ठमं करेंति, चउत्थं करेंति । छठें करेंति, चउत्थं करेंति, करेत्ता सव्वत्थ सव्वकामगुणिएणं पारेति। एवं खलु एसा खुड्डागसीहनिक्कीलियस्स तवोकम्मस्स पढमा परिवाडी छहिं
मासेहिं सत्तहि य अहोरत्तेहि अहासुत्तं जाव' पाराहिया भवइ ।। २१. तयाणंतरं दोच्चाए परिवाडीए चउत्थं करेंति, नवरं-विगइवज्जं पारेति ।। २२. एवं तच्चा वि परिवाडी, नवरं पारणए अलेवाडं पारेति ।। २३. एवं चउत्था वि परिवाडी, नवरं-पारणए आयंबिलेण पारेति ।। २४. तए णं ते महब्बलपामोक्खा सत्त अणगारा खुड्डाग सीहनिक्कीलियं तवोकम्म
दोहि संवच्छरेहिं अट्ठवीसाए अहोरत्तेहिं अहासुत्तं जाव' आणाए आराहेत्ता जेणेव थेरे भगवंते तेणेव उवागच्छंति, उवागच्छित्ता थेरे भगवंते वंदति नमसंति, वंदित्ता नमंसित्ता एवं वयासी-इच्छामो णं भंते ! महालयं सीहनिक्की लियं तवोकम्म उवसंपज्जित्ता णं विहरित्तए । तहेव जहा खुड्डागं, नवरं-चोत्तीसइमाओ नियत्तइ । एगाए परिवाडीए कालो एगेणं संवच्छरेणं छहिं मासेहिं अट्ठारसहि य अहोरत्तेहि समप्पेइ । सव्वंपि [महालयं? ] सीहनिक्कीलियं छहि वासेहिं दोहिं मासेहिं बारसहि य अहोरत्तेहि
समप्पेइ॥ २५. तए णं ते महब्बलपामोक्खा सत्त अणगारा महालयं सीहनिक्कीलियं अहासुत्तं
जाव' पाराहित्ता जेणेव थेरे भगवंते तेणेव उवागच्छंति, उवागच्छित्ता थेरे भगवते वंदंति नमसंति, वंदित्ता नमंसित्ता बहूणि चउत्थ- छटुट्ठम-दसमदुवालसेहिं मासद्धमासखमणेहि अप्पाणं भावेमाणा° विहरंति ॥
१. ठा० ७।१३। २. विगति ° (ख); विगय (घ)। ३. ठा० ७।१३ । ४. पू०-ना० १०८।२०।
५. समप्पइ (क)। ६. ठा० ७.१३ । ७. सं० पा०-चउत्थ जाव विहरंति ।
Jain Education International
For Private & Personal Use Only
www.jainelibrary.org
